పవన్ కల్యాణ్ ‘OG’పై అదిరిపోయే అప్డేట్ ఇచ్చిన మేకర్స్.. రిలీజ్ అయ్యేది ఈ ఏడాదేనా?

దిశ, వెబ్‌డెస్క్: పవర్ స్టార్ పవన్ కల్యాణ్ ఓ వైపు వరుస సినిమాల్లో నటిస్తూనే ఉన్నారు. అలాగే రాజకీయాల్లో కూడా ఫుల్ యాక్టీవ్ ఉన్నారు. పవన్ ఓజీ, హరి హర వీరమల్లు, ఉస్తాద్ భగత్ సింగ్ వంటి సినిమాలు ఎప్పుడెప్పుడు వస్తాయా అని ఫ్యాన్స్ ఎంతో ఆసక్తికగా ఎదురుచూస్తున్నారు. ఓజీ మూవీకి డైరెక్టర్ సుజిత్ దర్శకత్వం వహిస్తున్న విషయం తెలిసిందే. షూటింగ్ చేయకపోయినా సుజిత్ మాత్రం సినిమాకి సంబంధించిన మిగతా పనులను చకచకా పూర్తి చేస్తున్నారు. తాజాగా సుజిత్ పుట్టినరోజు సందర్భంగా చిత్ర బృందం సోషల్ మీడియాలో ఓ పోస్టర్ ను విడుదల చేసింది. ‘‘ హ్యాపీ బర్త్ డే సుజిత్’ అని ఓ పోస్టర్‌ను రిలీజ్ చేశారు. అలాగే ఈ ఏడాది పేల్చి పారేద్దాం అని ట్విట్టర్ ద్వారా తెలిపారు. దీంతో ఈ సినిమా డిసెంబర్‌లో విడుదల కాబోతుందని అందుకే చిత్ర యూనిట్ ఇలాంటి పోస్ట్ పెట్టారని నెటిజన్లు అనుమానపడుతున్నారు. ఓజీ సినిమాని డిసెంబర్ లోనే విడుదల చేయబోతున్నారా లేదా అనే విషయంపై మాత్రం ఇంకా క్లారిటీ రావాల్సి ఉంది.