NTR: ది ఫేసెస్ ఆఫ్ ఫియ‌ర్.. ‘దేవర’పై హైప్ పెంచేస్తున్న ఎన్టీఆర్ న్యూ డబుల్ లుక్
దిశ, సినిమా: యంగ్ టైగర్ ఎన్టీఆర్, బాలీవుడ్ బ్యూటీ జాన్వీ కపూర్ కాంబోలో వస్తున్న లేటెస్ట్ మూవీ ‘దేవర’. కొరటాల శివ దర్శకత్వంలో తెరకెక్కుతున్న ఈ సినిమా సెప్టెంబర్ 27న ప్రేక్షకుల ముందుకు వచ్చేందుకు సిద్ధంగా ఉంది. ఇందులో నుంచి ఇప్పటి వరకు వచ్చిన ప్రతి అప్డేట్ ఎంతో ఆకట్టుకోగా.. మూవీపై భారీ అంచనాలు ఉన్నాయి. ఇక ఫస్ట్ సింగిల్, సెకండ్ సింగిల్స్ అయితే.. సోషల్ మీడియాలో అత్యధిక వ్యూస్ సొంతం చేసుకుని దూసుకుపోతున్నాయి.
ఈ క్రమంలోనే మూవీ నుంచి ఎన్టీఆర్ డబుల్ రోల్ పోస్టర్ రిలీజ్ చేసి ఫ్యాన్స్‌కు ఊహించని ట్రీట్ ఇచ్చారు మేకర్స్. ఈ మేరకు ‘ది ఫేసెస్ ఆఫ్ ఫియ‌ర్’ అని ఓ క్యాప్షన్ ఇచ్చి పోస్టర్ రివీల్ చేశారు. రెండు డిఫరెంట్ లుక్స్‌లో ఆకట్టుకుంటున్న ఎన్టీఆర్ పోస్టర్ ప్రజెంట్ నెట్టింట వైరల్ కావడంతో.. మూవీపై మరింత హైప్ పెంచేవిధంగా ఉంది. కాగా.. ‘దేవర’ మూవీ సెప్టెంబర్ 27న ప్రపంచ వ్యాప్తంగా ప్రేక్షకుల ముందుకు వచ్చేందుకు సిద్ధంగా ఉంది.
