మరోసారి ఫ్యాన్స్‌ను మంత్రముగ్ధుల్ని చేసిన ‘బలగం’ బ్యూటీ!

దిశ, వెబ్‌డెస్క్: బాలు, గంగోత్రి, ఠాగూరు, అడవి రాముడు వంటి సినిమాల్లో చైల్డ్ ఆర్టిస్ట్‌గా నటించి ప్రేక్షకులను ఆకట్టుకున్న హీరోయిన్ కావ్య కల్యాణ్ రామ్. తాజాగా.. ఆమె హీరోయిన్‌గా నటించిన బలగం చిత్రం ఎంత పెద్ద హిట్ అయిందో ప్రత్యేకంగా చెప్పాల్సిన పనిలేదు. బలగంలో ఆమె నటనకు నెటిజన్లు ఫిదా అయిపోయారు. బలగం తర్వాత ఆమె నటించిన తాజా చిత్రం ‘ఉస్తాద్’. ఈ చిత్రం ప్రపంచ వ్యాప్తంగా ఆగష్టు 12న థియేటర్లలో విడుదలయ్యింది. కథ బాగునప్పటికీ ప్రజెంట్ చేసే విషయంలో డైరెక్టర్ విఫలమైనట్లు తెలుస్తోంది. శ్రీసింహా హీరోగా నటించిన ఈ మూవీకి మొదటిరోజే నెగిటివ్ టాక్ రావడంతో కలెక్షన్లపై భారీ ప్రభావం పడింది.

కానీ ఈ చిత్రంలో హీరోయిన్ కావ్యకు మాత్రం భారీగానే మార్కులు పడిపోయాయి. ఉస్తాద్‌‌లో కావ్య యాక్టింగ్‌కు ఫ్యాన్స్‌ మరోసారి ఫిదా అయ్యారు. దీంతో ఆమెను సోషల్ మీడియా వేదికగా పొగిడేస్తున్నారు. ‘‘కళ్లతో అద్భుతంగా నటించి కట్టిపడేశావ్ లిల్లీ? ముఖంలో అన్ని హావభావాలు అలవోకగా పలికి మంత్రముగ్దుల్ని చేశావ్, భవిష్యత్తులో కూడా ఇలాగే నటిస్తే స్టార్ హీరోయిన్ల రేంజ్‌కు వెళ్తావ్, భాష, నటన రానీ.. అసలు ఓనమాలు కూడా దిద్దని ముంబై హీరోయిన్లకు బదులు కావ్య లాంటి వారిని తీసుకుంటే దర్శకులకు మంచి పేరు వస్తుంది.’’ మూవీస్ కూడా హిట్ అవుతాయి.’ అంటూ నెటిజన్లు కావ్యపై కామెంట్ల వర్షం కురిపిస్తున్నారు.