47 ఏళ్ల వయసులో 43 ఏళ్ల సినీ ప్రస్థానం.. అదిరిపోయిన సూపర్ స్టార్ జర్నీ
దిశ, వెబ్‌డెస్: సూపర్ స్టార్ మహేశ్ బాబు..ఈ పేరు వింటే చాలు అభిమానుల్లో ఏదో తెలియని సంతోషం నెలకొంటుంది. కేవలం సినిమాలతోనే కాకుండా.. సామాజిక సేవా కార్యక్రమాలు, చిన్నారులకు క్యాన్సర్ ఆపరేషన్లు చేయిస్తూ అభిమానుల గుండెళ్లో స్థానం సుస్థిరం చేసుకున్నారు. ఇవాళ(ఆగస్టు 9) మహేశ్ బాబు పుట్టినరోజు సందర్భంగా సోషల్ మీడియాలో అభిమానులు పోస్టులు పెట్టి హల్‌చల్ చేస్తున్నారు. 47వ పుట్టినరోజు జరుపుకుంటోన్న సూపర్‌కు విషెశ్ చెబుతూ ట్విట్టర్‌ ట్రెండ్ చేస్తున్నారు. తండ్రి అడుగు జాడల్లో బాల నటుడిగా అలరించిన మహేష్ బాబు.. ఆ తర్వాత హీరోగా ఆపై సూపర్ స్టార్‌గా టాలీవుడ్ ఇండస్ట్రీలో తన కంటూ ప్రత్యేక గుర్తింపు తెచ్చుకున్నారు. మొత్తంగా 47 ఏళ్ల వయసులో 43 ఏళ్ల సినీ ప్రస్థానం సాగించిన మహేశ్ బాబు సినీ జీవితంలో అన్ని రకాల విజయాలు, అపజయాలు చవిచూశాడు. చివరగా సర్కారువారి పాట చిత్రంతోనూ బాక్సాఫీస్ అద్భుత విజయాన్ని తన ఖాతాలో వేసుకున్నాడు. ఆయన పుట్టినరోజు సందర్భంగా సినీ ప్రముఖులు, రాజకీయ నాయకులు, అభిమానులు నెట్టింట్లో ట్వీట్ల వర్షం కురిపిస్తున్నారు.
