సుధీర్ బాబు ‘మా నాన్న సూపర్ హీరో’ టీజర్ రిలీజ్.. ఆకట్టుకుంటున్న ఎమోషనల్ డైలాగ్స్

దిశ, సినిమా: టాలీవుడ్ హీరో సుధీర్ బాబు నటిస్తున్న తాజా చిత్రం ‘మా నాన్న సూపర్ హీరో’. ఈ సినిమాకు అభిలాష్ కంకర దర్శకత్వం వహిస్తున్నాడు. అయితే దీనిని క్యామ్ ఎంటర్‌టైన్మెంట్స్, v సెల్యూలాయిట్స్ సంయుక్తంగా నిర్మిస్తున్నాయి. ఇందులో అర్ణ హీరోయిన్‌గా నటిస్తోంది. ఇటీవల మా నాన్న సూపర్ హీరో సినిమా నుంచి విడుదలైన సుధీర్ బాబు ఫస్ట్ లుక్ అందరినీ మెస్మరైజ్ చేసిన సంగతి తెలిసిందే. ఈ చిత్రం దసరా కానుకగా అక్టోబర్ 11న థియేటర్స్‌లో గ్రాండ్‌గా విడుదల కాబోతుంది.

ఈ క్రమంలో.. మేకర్స్ ప్రమోషన్స్‌లో భాగంగా వరుస అప్డేట్స్ విడుదల చేస్తున్నారు. తాజాగా, మా నాన్న సూపర్ హీరో టీజర్‌ను చిత్రబృందం విడుదల చేసింది. ఇందులో సాయాజీ షిండే, సాయి చంద్ సుధీర్‌కు తండ్రులుగా యాక్ట్ చేశారు. ఇందులో ఓ తండ్రికి దగ్గరయ్యేందుకు కొడుకు ప్రయత్నిస్తాడు. కానీ ఆయన మాత్రం దూరం పెడతాడు. అయితే ఇందులోని ఎమోషనల్ డైలాగ్స్ ‘‘అమ్మను అన్నం పెట్టమని అడిగితే అడుక్కున్నట్టు కాదు. నాన్నను ముందు తగ్గితే ఓడిపోయినట్టు కాదు’’ ప్రేక్షకులను ఆకట్టుకుంటున్నాయి.