పొలిటికల్ ఎంట్రీపై విజయ్ సేతుపతి ఆసక్తికర వ్యాఖ్యలు..!

దిశ, వెబ్ డెస్క్: కోలీవుడ్ స్టార్ హీరో విజయ్ సేతుపతి గురించి ప్రత్యేకంగా చెప్పాల్సిన పని లేదు. తమిళ్‌లోనే కాకుండా తెలుగులో ఉప్పెన సినిమాలో విలన్‌గా నటించి ఫుల్ క్రేజ్ సంపాదించుకున్నాడు. భాషతో సంబంధం లేకుండా వరుస సినిమాల్లో నటిస్తూ దూసుకుపోతున్నాడు. తాజాగా, విజయ్ సేతుపతి ఓ కార్యక్రమంలో పాల్గొని రాజకీయాలు ఆసక్తికర వ్యాఖ్యలు చేశాడు. ఏప్రిల్ 1న తమిళనాడు సీఎం ఎంకే స్టాలిన్ 70 వ పుట్టిన రోజు సందర్భంగా చెన్నైలో ఫొటో ఎగ్జీబీషన్‌లో విజయ్ పాల్గోన్నాడు. ఈ కార్యక్రమంలో భాగంగా విజయ్ సేతుపతి మాట్లాడుతూ.. ఇప్పటి యువత పాలిటిక్స్ గురించి తెలుసుకోవాలి. నాకు రాజకీయాలపై పూర్తి అవగాహన ఉంది. కానీ, ప్రత్యక్ష రాజకీయాల్లోకి వచ్చే ఆలోచన మాత్రం లేదని విజయ్ వెల్లడించాడు. అలాగే భవిష్యత్తులో ఏం జరుగుతుందో ఇప్పుడే చెప్పలేమని తెలిపాడు. దీంతో అది తెలుసుకున్న నెటిజన్లు విజయ్ పొలిటికల్ ఎంట్రీ ముందే ఫిక్స్ అయ్యిందని త్వరలో రాజకీయాల్లోకి రాబోతున్నట్లు వార్తలు వైరల్ అవుతున్నాయి.

ఇవి కూడా చదవండి: Allu Arjun: మరో ప్రతిష్టాత్మక అవార్డు అందుకున్న అల్లు అర్జున్