Mahesh Babu : ‘SSMB 28’ మూవీ టైటిల్ అప్‌ డేట్.. రివీల్ ఎప్పుడంటే?
దిశ, సినిమా: సూపర్ స్టార్ మహేష్ బాబు, మాటల మాంత్రికుడు త్రివిక్రమ్ శ్రీనివాస్ కాంబినేషన్‌లో ప్రస్తుతం భారీ ఫ్యామిలీ ఎంటర్టైనర్‌తో కూడిన యాక్షన్ మూవీ రూపొందుతున్న విషయం తెలిసిందే. కాగా ఈ చిత్రం నిర్మాత ఉగాది సందర్భంగా రిలీజ్ డేట్ ప్రకటించగా, తాజాగా మహేష్ ఫస్ట్ లుక్‌ని రివీల్ చేశాడు. సిగరెట్ తాగుతూ.. చాలా గ్యాప్ తర్వాత మంచి మాస్ లుక్‌లో కనిపించాడు మహేష్. అయితే ఈ మధ్య కాలంలో మూవీస్ షూటింగ్ ముగిసేంత వరకు కూడా టైటిల్ రివీల్ చేయడం లేదు. కానీ మహేష్ మూవీ టైటిల్ కోసం మాత్రం ఫ్యాన్స్ చాలా ఆత్రుతగా ఎదురు చూస్తున్నారు. అయితే తదుపరి అప్‌డేట్ కోసం మే 31 వరకు అభిమానులు ఓపికగా వేచి చూడాలని నిర్మాత సోమవారం సాయంత్రం స్పష్టం చేశాడు. ఎందుకంటే ఆ తేదీన దివంగత సూపర్‌స్టార్ కృష్ణ పుట్టినరోజు కావడంతో సినిమా టైటిల్‌ను రివీల్ చేయనున్నారట. అయితే టీజర్‌ను కూడా విడుదల చేసే అవకాశం ఉన్నట్లు చర్చ జరుగుతోంది.
