నేడు భారీ ప్రకటన చేయబోతున్న S.S రాజమౌళి..!
దిశ, వెబ్‌డెస్క్: టాలీవుడ్‌లో టాప్ దర్శకుడిగా దూసుకుపోతున్నాడు దర్శకధీరుడు ‘రాజమౌళి’. ‘బహుబలి, ఆర్ఆర్ఆర్’ సినిమాలతో అయితే ప్రపంచవ్యాప్తంగా క్రేజ్ దక్కించుకున్నాడు. అయితే జక్కన్న నేడు(సెప్టెంబరు 19)భారీ ప్రకటన చేయనున్నారని తెలుస్తోంది. అందేంటంటే? ఈయన నిర్మాతగా మారనున్నారని సోషల్ మీడియాలో భారీ ప్రచారం జరుగుతోంది. దీనికి సంబంధించిన ప్రకటన చేయనున్నారని సమాచారం. భారతీయ సినిమా పుట్టుక, ఎదుగుదల గురించి భారీ చిత్రాన్ని రాజమౌళి నిర్మించనున్నట్టు ప్రచారం జరుగుతోంది.
ఇండియన్ సినిమాపై ఇది బయోపిక్‍గా ఉంటుందట. భారతీయ సినిమా బర్త్, రైజ్ అంశంపైనే భారీ స్థాయిలో ఈ మూవీ ఉండనుందట. ఈ బయోపిక్‍లో వివిధ పరిశ్రమలకు చెందిన స్టార్ నటులు నటించనున్నారట. చిత్ర నిర్మాణంలో మరికొందరు ప్రొడ్యూసర్లు భాగమవుతారని టాక్. అయితే ఈ మూవీకి రాజమౌళినే దర్శకత్వం వహిస్తారా? లేదా? అన్న విషయంపై క్లారిటీ లేదు.
