Sreeleela: కెరీర్ విషయంలో షాకింగ్ నిర్ణయం తీసుకున్న శ్రీలీల.. ఆందోళనలో ఫ్యాన్స్!

దిశ, సినిమా: టాలీవుడ్ క్రేజీ బ్యూటీ శ్రీలీల అందరికీ సుపరిచితమే. ఈ అమ్మడు పెళ్లి సందడి సినిమాతో ఇండస్ట్రీకి ఎంట్రీ ఇచ్చి అతి తక్కువ సమయంలోనే స్టార్ హోదా సంపాదించుకుంది. ముఖ్యంగా ఈ అమ్మడు రవితేజ ధమాకా మూవీ బ్లాక్ బస్టర్ హిట్ కావడంతో ఓవర్ నైట్ స్టార్ అయిపోయింది. ఆ తర్వాత శ్రీలలకు వరుస ఆఫర్లు వచ్చాయి. ఒకానొక సమయంలో ఈ భామ చేతిలో 10 సినిమాలు ఉన్నాయి. కానీ వరుసగా నాలుగు చిత్రాలు డిజాస్టర్ కావడంతో అమ్మడు క్రేజ్ ఒక్కసారిగా పడిపోయింది.

ఇక ఆ తర్వాత ఆమె ముందుగా ఓకే చేసిన సినిమాల్లోంచి కూడా తొలగించేశారు. దీంతో శ్రీలీల కొద్ది రోజులు ఇండస్ట్రీకి దూరం అయి యాడ్స్ చేసింది. ప్రజెంట్ ఈ అమ్మడు నితిన్‌తో రాబిన్ హుడ్.. రవితేజతో ఓ మూవీ చేయబోతుంది. అలాగే సోషల్ మీడియాలోనూ యాక్టివ్‌గా ఉంటుంది. ఇదిలా ఉంటే.. తాజాగా, శ్రీలీల కెరీర్ విషయంలో ఓ షాకింగ్ నిర్ణయం తీసుకున్నట్లు పలు వార్తలు వైరల్ అవుతున్నాయి. మళ్లీ స్టార్ హోదా దక్కించుకునేందుకు సౌత్‌తో పాటు నార్త్ లోనూ సినిమాలు చేయాలని డిసైడ్ అయిందట.

అంతేకాకుండా రెండు బాలీవుడ్ చిత్రాలకు గ్రీన్ సిగ్నల్ ఇచ్చినట్లు తెలుస్తోంది. సిద్ధార్థ్ మల్హోత్రాతో మిట్టి మూవీలో శ్రీలీల నటిస్తుందని టాక్. అలాగే వరుణ్ ధావన్‌తో ఓ కామెడీ మూవీకి గ్రీన్ ఇచ్చినట్లు వార్తలు వైరల్ అవుతున్నాయి. ఇక ఈ రెండు సినిమాలు హిట్ కాకుంటే అమ్మడు కెరీర్ రిస్క్‌లో పడ్డట్టే అని కొందరు అభిప్రాయ పడుతున్నారు. ఇక ఈ విషయం తెలుసుకున్న శ్రీలీల ఫ్యాన్స్ ఆందోళన చెందుతున్నారు. బాలీవుడ్‌లో నటించడం కన్నా ఆమెకు టాలీవుడ్‌లోనే స్క్రిప్ట్ సెలెక్ట్ చేసుకోవడంపై దృష్టి పెడితే స్టార్ హీరోయిన్ అవుతుందని అంటున్నారు.