దర్శకుడు ప్రశాంత్ వర్మ నెక్స్ట్ మూవీ కి హీరోయిన్ ఫిక్స్ .. ఆమె ఎవరంటే

దిశ, సినిమా: రీసెంట్ గా ‘హనుమాన్’ సినిమాతో భారీ హిట్ అందుకున్న ప్రశాంత్ వర్మ, నెక్స్ట్ ఓ లేడీ ఓరియెంటెడ్ సూపర్ హీరో మూవీ ‘మహాకాళి’ రాబోతుంది. ఇక ఈ మూవీ లో హీరో హీరోయిన్ గా నటించబోయేది ఎవరు అన్నది మాత్రం దర్శకుడు తెలియజేయలేదు. అయితే తాజాగా ఆ చిత్రంలో నటించబోయే హీరోయిన్ ఎవరో.. చిన్న క్లూ దొరికింది. చిన్న సినిమాల్లో హీరోయిన్‌గా, బడా ప్రాజెక్ట్స్ లో క్యారెక్టర్ ఆర్టిస్ట్ గా నటిస్తూ.. తన నటన అందం తో మంచి గుర్తింపు సంపాదించుకున్న నటి 'జ్ఞానేశ్వరి కాండ్రేగుల'. రీసెంట్ గా నాగచైతన్య నటించిన ‘దూత’ వెబ్ సిరీస్ లో కూడా ముఖ్య పాత్ర పోషించింది.

అయితే తాజాగా ఓ ఇంటర్వ్యూలో పాల్గొన్న జ్ఞానేశ్వరి.. ఆమెను తన నెక్స్ట్ ప్రాజెక్ట్ ఏంటని ప్రశ్నించగా..‘ ‘దూత 2’ ఉంది. అలాగే ప్రశాంత్ వర్మ దర్శకత్వంలో ఒక లేడీ ఓరియెంటెడ్ మూవీ చేస్తున్నాను’ అంటూ చెప్పుకొచ్చింది. దీంతో ఆ ‘మహాకాళి’ సినిమాలో జ్ఞానేశ్వరినే నటించబోతున్నట్లు తెలుస్తుంది. ప్రస్తుతం జ్ఞానేశ్వరి కి సంబంధించిన ఇంటర్వ్యూ వీడియో నెట్టింట వైరల్ గా మారింది.