Anasuya: ‘సింబా’ ట్రైలర్ రిలీజ్.. యాక్షన్ సీన్స్ అదరగొట్టిన అనసూయ!
దిశ, సినిమా: సీనియర్ హీరో జగపతిబాబు, అనసూయ భరధ్వాజ్, అలనాటి హీరోయిన్ గౌతమి కీలక పాత్రల్లో నటిస్తున్న తాజా చిత్రం ‘సింబా’. సంపత్ నంది టీం వర్క్స్, రాజ్ దాసరి ప్రొడక్షన్స్ బ్యానర్ల మీద సంపత్ నంది, దాసరి రాజేందర రెడ్డి నిర్మిస్తున్న ఈ చిత్రానికి మురళీ మనోహర్ దర్శకత్వం వహించారు. తాజాగా ఈ సినిమాకు సంబంధించిన ట్రైలర్ లాంచ్ ఈవెంట్‌ను ఘనంగా నిర్వహించారు మేకర్స్.
‘‘ప్రపంచంలో ఎయిర్ పొల్యూషన్ వల్ల 65 శాతం మంది చనిపోతున్నారు.. అంటే దమ్ము, మందు కంటే.. దుమ్ము వల చనిపోయేది పాతిక రెట్లు ఎక్కువ’.. ‘వస్తువులు మనతో మాత్రమే ఉంటాయి.. కానీ మొక్కలు మనతోనే ఉంటాయి..మనతో పాటు పెరుగుతాయి.. మన తరువాత కూడా ఉంటాయి’’ అంటూ అద్భుతమైన డైలాగ్స్‌తో సాగిన ఈ ట్రైలర్‌లో అనసూయను ఒకపక్క టీచర్‌గా పిల్లలకు బోధిస్తున్నట్లు మరోవైపు కిల్లర్ల చూపించారు. ఇక జగపతి బాబు, ‘ఇంటింటి గృహలక్ష్మి’ సీరియల్ ఫేమ్ కస్తూరి మధ్య సీన్స్ కూడా ఎంతో ఆకట్టుకున్నాయి. ప్రజెంట్ ‘సింబా’ టైలర్ నెట్టింట వైరల్ కావడంతో విశేషంగా ఆకట్టుకుటుంది.
