పవన్ కళ్యాణ్ అభిమానులకు షాకింగ్ న్యూస్!.. ఎన్నికల ఫలితాల వేళ ఇది అస్సలు ఊహించలేదుగా
దిశ, సినిమా: గత పదేళ్లుగా రాజకీయాల్లో ఉన్న పవర్ స్టార్ పవన్ కళ్యాణ్ లక్ మారింది. చెమటోడ్చి పని చేస్తూ రెండు సార్లు అసెంబ్లీ ఎన్నికల్లో పోటీ చేసి ఓటమి పాలయ్యారు పవన్. ప్రజలు తనను ఆదరించకపోయినా రాజకీయాల నుంచి వెనక్కి తగ్గలేదు. ఓపికతో ఎదురు చూశాడు. ధైర్యంతో పోరాడాడు. చివరికి మూడో సారి ఎన్నికల్లో తిరుగులేని మెజారిటీతో పిఠాపురం అసెంబ్లీ నియోజకవర్గం నుంచి పవర్ స్టార్ విజయం సాధించాడు. బీజేపీ, టీడీపీతో కలిసి కూటమిగా జనసేనను పోటీగా దింపి ఏపీ వ్యాప్తంగా మొత్తం 21 స్థానాల్లో ఏకంగా 15కు పైగా స్థానాల్లో గెలుపు దిశగా పరుగులు తీసింది జనసేన. దీంతో ఈ సారి పవన్ కళ్యాణ్‌కు కీలక పదవి దక్కే అవకాశాలు కనిపిస్తున్నాయి.
ఏపీలో కూటమి ప్రభుత్వం ఏర్పడిన తర్వాత పవన్ కళ్యాణ్‌ను ఏకంగా డిప్యూటీ సీఎం అయ్యే అవకాశాలు ఎక్కువగా ఉన్నాయి. దీంతో పాటు.. ఆయనకు హోమ్ మినిస్ట్రీ కూడాఇచ్చే ఛాన్స్ కనిపిస్తుంది.పవన్ కళ్యాణ్‌కు రెండు కీలక పదవులు వస్తాయనే అంచనాలు రావడంతో ఆయన అభిమానులు, జనసేన నాయకులు కార్యకర్తలు ఫుల్ ఖుషీ అవుతున్నారు. ఇప్పటికే పవర్ స్టార్ అభిమానులతో పిఠాపురానికి భారీగా చేరుకున్నారు.
ఇదిలా ఉంటే టాలీవుడ్ లోకంలో మాత్రం పవన్ కళ్యాణ్ విక్టరీ నిరాశే నింపుతోంది. ఇన్ని రోజులు అటు సినిమాలు, ఇటు రాజకీయాలు బ్యాలెన్స్ చేస్తూ వచ్చిన పవన్ కళ్యాణ్.. ఇకపై సినిమాలకు సమయాన్ని కేటాయించలేరేమో అనే టాక్ మొదలైంది. కొత్త ప్రభుత్వం ఏర్పడిన తర్వాత ఏపీ రాజకీయాల్లో పవన్ కళ్యాణ్ హస్తం కీలకం కానున్న నేపథ్యంలో.. పవన్ కళ్యాణ్ సినిమాలకు దూరమవుతారని చెప్పుకుంటున్నారు. ఇకపై పవన్ సినిమాలు చేయరని, ఇప్పటికే కమిటై ఉన్న సినిమాలు కూడా వాయిదా పడే ఛాన్స్ ఉందని అంటున్నారు. ప్రస్తుతం పవన్ కళ్యాణ్ చేతిలో హరిహర వీరమల్లు, ఓజీ సినిమాలున్నాయి. ఈ రెండు సినిమాలు షూటింగ్ దశలోనే ఉన్నాయి. ఈ క్రమంలో పవన్ విక్టరీ ఈ సినిమాల షూటింగ్స్ కి బ్రేక్ వేసే అవకాశం ఉందని తెలుస్తోంది. మరి ఈ పరిస్థితిలో సినిమాలపై పవన్ ఎలాంటి నిర్ణయం తీసుకుంటారనేది చూడాలి.
