ఓటీటీ సూపర్ స్టార్ అనిపించుకున్న సత్యదేవ్! ఏకంగా 240 కు పైగా దేశాల్లో

దిశ, సినిమా: వెర్సటైల్ యాక్టర్ సత్యదేవ్ 2007 లో ఆయేషా అనే ఓ మైనర్ బాలిక హత్య ఉదంతం నేపథ్యంలో తెరకెక్కిన రా అండ్ రస్టిక్ యాక్షన్ డ్రామా చిత్రం 'కృష్ణమ్మ'. స్టార్ దర్శకుడు కొరటాల శివ సమర్పణలో అరుణాచల క్రియేషన్స్ బ్యానర్‌పై కృష్ణ కొమ్మలపాటి ఈ చిత్రాన్ని నిర్మించగా.. వి.వి.గోపాలకృష్ణ తెరకెక్కించారు. కృష్ణ బూరుగుల, లక్ష్మణ్ మీసాల, నంద గోపాల్‌, హరిబాబు కీలక పాత్రల్లో నటించారు.

కాగా థియేటర్లలో విడుదలైన వారం రోజులకే డిజిటల్ స్ట్రీమింగ్‌కు వచ్చి ఆశ్చర్య పరిచిన విషయం తెలిసిందే. అయితే తాజా సమాచారం ప్రకారం.. ఏకంగా 240దేశాల్లో ‘కృష్ణమ్మ’ చిత్రం అమెజాన్ ప్రైమ్‌ ద్వారా స్ట్రీమింగ్ అవుతుంది. ఇది నిజంగా ఓ అరుదైన రికార్డు అని చెప్పాలి. ఈ రకంగా సత్యదేవ్ ఓటీటీ సూపర్ స్టార్ అనిపించుకున్నాడు అనే చెప్పాలి.