సొంత నిర్ణయాల వల్ల సమస్యల్లో పడ్డ సమంత ఆసక్తికరంగా ‘శాకుంతలం’ ట్రైలర్

దిశ, వెబ్ డెస్క్: టాలీవుడ్ స్టార్ హీరోయిన్ సమంత, మలయాళ నటుడు దేవ్ మోహన్ జంటగా నటిస్తున్న చిత్రం ‘శాకుంతలం’. దీనిని సీనియర్ డైరెక్టర్ గుణశేఖర్ తెరకెక్కిస్తున్నారు. ఇందులో అదితి బాలన్, ప్రకాష్ రాజ్, గౌతమి, మధు, సచిన్ ఖేడ్కర్, అనన్య నాగళ్ల, కబీర్ బేడీ, జిషు సేన్‌ గుప్తా, అల్లు అర్హ కీలక పాత్రల్లో నటిస్తున్నారు. ఈ చిత్రాన్ని గుణ టీమ్ వర్క్స్ పతాకంపై నీలిమ గుణ, దిల్ రాజు నిర్మించారు.

ఏప్రిల్ 14న ప్రపంచవ్యాప్తంగా 3Dలో విడుదల కానుంది. అయితే ఇప్పటికే విడుదల పోస్టర్స్, టీజర్, ట్రైలర్ ప్రేక్షకులను ఎంతగానో ఆకట్టుకున్నాయి. తాజాగా, శాకుంతలం మరో ట్రైలర్‌ను చిత్ర యూనిట్ రిలీజ్ చేసింది. దుష్యంతుడు, శకుంతల మధ్య పరిచయం, ప్రేమ సన్నివేశాలతో ట్రైలర్ ప్రారంభం కాగా.. విశ్వామిత్రుడు శకుంతలపై కన్నెర్ర చేయడంతో కథ మలుపు తిరుగుతుంది. ఆ తర్వాత ప్రేమ జంట మధ్య మనస్పర్థలు ఏర్పడి దూరమైనట్లు చూపించగా.. ఇదే క్రమంలో సమంత గర్భవతిగా ఉండి కష్టాలు పడుతుంది. ఈ సందర్భంగానే స్వతంత్రంగా నిర్ణయాలు తీసుకుని ఇంతవరకు తెచ్చుకున్నావు. ఫలితం అనుభవించాల్సిందే అని దుష్యంతుడు చెప్పే డైలాగ్ క్యూరియాసిటీని పెంచుతుంది. ఈ ట్రైలర్‌తో సమంత అభిమానుల్లో శాకుంతలం సినిమాపై భారీగా అంచనాలు పెరిగాయి.