బన్నీ ప్రేమ కోసం హనీగా మారిపోయిన సమంత.. నెట్టింట పోస్ట్ వైరల్
దిశ, సినిమా: టాలీవుడ్ స్టార్ హీరోయిన్ సమంత అందరికీ సుపరిచితమే. ఆమెకు మయోసైటీస్ వ్యాధి రావడంతో ‘ఖుషి’ సినిమా తర్వాత మొత్తానికే ఇండస్ట్రీకి దూరం అయింది. చికిత్స తీసుకుంటూ పూర్తిగా ఇంట్లోనే ఉండి రెస్ట్ తీసుకుంది. అయితే ఈ అమ్మడు ఇప్పుడిప్పుడే మయోసైటీస్ వ్యాధి నుంచి కోలుకుంటూ మళ్లీ యాక్టీవ్‌ అవుతుంది. ఇదిలా ఉంటే.. సమంత గ్యాప్ తీసుకోకముందే సీటాడెల్ అనే వెబ్ సిరీస్‌లో నటిస్తున్నట్లు ప్రకటించిన విషయం తెలిసిందే. ఇందులో బాలీవుడ్ యంగ్ హీరో వరుణ్ ధావన్ నటిస్తున్నాడు.
అయితే సామ్ వ్యాధి కారణంగా ఈ సిరీస్ విడుదల వాయిదా పడింది. ఇప్పుడు ఆమె కోలుకుని రీ ఎంట్రీ ఇస్తున్నట్లు కూడా ప్రకటించడంతో సీటాడెల్ మళ్లీ పట్టాలెక్కింది. ఈ సిరీస్ తొందరలో రిలీజ్ రాబోతున్నట్లు సమాచారం. తాజాగా, మేకర్స్ సమంత వెబ్ సిరీస్‌కు సంబంధించిన టైటిల్‌ను మార్చేసినట్లు ప్రకటించారు. అంతేకాకుండా ఓ అదిరిపోయే పోస్టర్ కూడా రిలీజ్ చేసి గుడ్ న్యూస్ తెలిపారు. సిటాడెల్‌ అని అలాగే ఉంచేసి.. హనీ, బన్నీ పేర్లను యాడ్ చేశారు. ప్రస్తుతం ఈ పోస్టర్ నెట్టింట వైరల్ అవుతుండగా అది చూసిన నెటిజన్లు రకరకాల కామెంట్లు పెడుతున్నారు.
