BIG TWIST: మెగాస్టార్‌తో షూటింగ్ కంప్లీట్ చేసుకున్న సమంత.. ఆకట్టుకుంటోన్న పిక్స్ వైరల్
దిశ, సినిమా: గత ఏడాది సినిమాలకు బ్రేక్ ఇచ్చిన సమంత ఇటీవల రీఎంట్రీకి ప్లాన్ చేస్తున్నట్లు తెలుస్తోంది. రౌడీ హీరో విజయ్ దేవరకొండ సరసన ఖుషి చిత్రం షూటింగ్ కంప్లీట్ అయ్యాక చాలా రోజులు మయోసైటిస్ వ్యాధితో బాధ పడింది. ఇప్పుడిప్పుడే ఆ వ్యాధి నుంచి కోలుకుని.. సోషల్ మీడియాలో యాక్టివ్ అయ్యింది. వెకేషన్స్‌లో ప్రైవేట్ ఈవెంట్లలో ఎంజాయ్ చేస్తూ ఎప్పటికప్పుడు తన ఫ్యాన్స్ తో ఫొటోలు పంచుకుంటుంది. రీసెంట్ గా ముంబయిలో కూడా అమెజాన్ ప్రైమ్ కార్యక్రమంలో కూడా సామ్ సందడి చేసిన విషయం తెలిసిందే.
ఇకపోతే సమంత నటుడు ముమ్మట్టితో కలిసి గోల్డ్ లోన్ ప్రకటనలో నటిస్తున్న విషయం తెలిసిందే. సమంత-ముమ్ముట్టి ‘ఐసీఎల్‌ ఫిన్‌ కార్పో’ అనే ఫైనాన్స్ కంపెనీ కమర్షియల్‌ కోసం కలిసి నటించారు. ఈ సంస్థను ప్రమోట్‌ చేస్తూ బ్రాండ్‌ అంబాసిడర్‌గా వ్యవహరించారు. కాగా సామ్-ముమ్ముట్టితో యాడ్‌ని షూట్‌ చేశారు. ఇందులో మమ్ముట్టితో కలిసి సమంత రెట్టింపు ఎనర్జీతో పాల్గొనడం విశేషం. లేటెస్ట్ అప్డేట్ ప్రకారం.. షూటింగ్ కూడా కంప్లీట్ అయినట్లు తెలుస్తోంది. ఈ యాడ్ కు సంబంధించిన పిక్స్ ప్రస్తుతం నెట్టింట వైరల్ అవ్వగా జనాల్ని ఆకట్టుకుంటున్నాయి.
