నాగచైతన్య ప్లేస్‌ను ఆ యంగ్ హీరోతో రీప్లేస్ చేస్తున్న సమంత..?
దిశ, వెబ్‌డెస్క్: టాలీవుడ్ లో సమంతకు ఉన్న క్రేజ్ వేరు. ప్రస్తుతం సిటాడెల్ ఇండియన్ వెర్షన్ కోసం సామ్ శ్రమిస్తోంది. దీంతో పాటు తెలుగు విజయ్ దేవరకొండతో ఖుషీ సినిమాలో సమంత నటిస్తోంది. శివనిర్వాణ ఈ సినిమాను తెరకెక్కిస్తున్నారు. శాకుంతలం ఫ్లాప్ తో ఈ రెండు ప్రాజెక్ట్ లపై సమంత నమ్మకం పెట్టుకుంది. అయితే ఓ బేబీ సినిమాతో మంచి విజయాన్ని అందించిన నందినిరెడ్డి మరో సినిమా కోసం చైతు, సామ్ లకు ఓ కథ వినిపించింది. కానీ ఈ జంట డైవర్స్ తీసుకోవడంతో ఆ ప్రాజెక్ట్ కు బ్రేక్ పడింది. అయితే తాజాగా ఈ సినిమాను పట్టాలెక్కించాలని డైరెక్టర్ నందినిరెడ్డి భావిస్తున్నారు. ఇందు కోసం చైతు ప్లేస్‌లో డీజే టిల్లు ఫేమ్ సిద్దు జొన్నలగడ్డను అనుకుంటున్నారని టాక్ నడుస్తోంది. బీవీఎస్ రవి ఈ సినిమాకు కథ అందిస్తుండగా రామ్ తాళ్లూరి నిర్మించనున్నట్లు తెలిసింది. ఈ సినిమా విషయమై త్వరలో మేకర్స్ కీలక ప్రకటన చేసే ఛాన్స్ ఉన్నట్లు తెలిసింది.
