Sakunthalam: ‘శాకుంతలం’కు పోటిగా ‘రుద్రుడు’.. లారెన్స్‌ను సమంత తట్టుకుంటుందా?
దిశ, సినిమా: టాలీవుడ్ స్టార్ హీరోయిన్ సమంత ప్రధాన పాత్రలో నటించిన పాథలాజికల్ పాన్ ఇండియా సినిమా ‘శాకుంతలం’. గుణశేఖర్ దర్శకత్వం వహించిన ఆ మూవీలో సమంతకు జోడీగా దుష్యంతుడి పాత్రలో మలయాళ హీరో దేవ్ మోహన్ నటించారు. ఇక చాలా వాయిదాలతో ఈ మూవీ ఫైనల్‌గా ఏప్రిల్ 14న విడుదల చేస్తున్నట్లు వెల్లడించారు మేకర్స్. అయితే తాజా సమాచారం ప్రకారం అదే రోజు మరో రెండు సినిమాలు రిలీజ్ కానున్నాయి. అందులో ఒకటి రాఘవ లారెన్స్ ‘రుద్రుడు’, విజయ్ ఆంటోని ‘బిచ్చగాడు 2’. అయితే ఈ రెండు చిత్రాల్లో ఎక్కువ క్రేజ్ ఉన్న చిత్రం మాత్రం ‘రుద్రుడు’, ఎందుకంటే ఇది రాఘవ లారెన్స్ మూవీ. ఈ చిత్రంలో శరత్ కుమార్ కీలక పాత్రలో నటిస్తుండగా, లారెన్స్ సరసన ప్రియా భవానీ శంకర్ కథానాయికగా నటిస్తోంది. తమిళం, తెలుగు, కన్నడ, మలయాళం భాషల్లో రిలీజ్ అవుతుంది. ఈ చిత్రం కోసం అభిమానులు ఆసక్తిగా ఎదురుచూస్తున్నారు. కాబట్టి సమంతకి ఈ చిత్రంతో గట్టి పోటీ ఉంటుందని టాక్ వినిపిస్తోంది.
