ఎన్టీఆర్ చివరి రోజులు.. ఇళయరాజా గీతాలాపనలో..

దిశ, సినిమా : కృష్ణ వంశీ దర్శకత్వంలో తెరకెక్కుతున్న ‘రంగమార్తాండ’ నుంచి మరో సాంగ్ రిలీజ్ అయింది. మ్యాస్ట్రో ఇళయరాజా సంగీతం అందిస్తూ.. స్వయంగా ఆలపించిన ఈ పాటకు దివంగత సిరివెన్నెల సీతారామశాస్త్రి సాహిత్యం అందించారు. ‘కళను కొలిచే నువ్వు.. కలవే అయిపోయావ్’ అని సాగే ఈ పాటలో మ్యాజికల్ వాయిస్‌తో శ్రోతలు హ్యాపీగా ఫీల్ అవుతున్నారు. ఇక ఈ సినిమా పాట దివంగత నటసార్వభౌమ ఎన్టీఆర్‌కు సరిగ్గా సరిపోతుందని, ఆయన చివరి రోజుల్లో ఇలాంటి బాధలు అనుభవించాడని బాధపడుతున్నారు అభిమానులు. కాగా మరికొంత మంది వెంటనే రిలీజ్ డేట్ ప్రకటించాలని డైరెక్టర్ కృష్ణవంశీని కోరుతున్నారు.