నా లైఫ్‌లో మరిచిపోలేని అనుభూతి పొందాను.. ‘అయలాన్’పై క్యూరియాసిటి పెంచేస్తున్న రకుల్
దిశ, సినిమా : స్టార్ నటి రకుల్ ప్రీత్ సింగ్ తను నటిస్తున్న తాజా చిత్రం ‘అయలాన్’ గురించి ఆసక్తికర విషయాలు వెల్లడించింది. శివకార్తికేయన్ హీరోగా రవికుమార్ తెరకెక్కిస్తున్న ఈ మూవీ కథాంశంతోనే కాదు విజువల్ ఎఫెక్ట్స్‌తోనూ సంచలనం సృష్టించబోతుందని తెలిపింది. అలాగే ప్రేక్షకులు ఇప్పటివరకూ చూడని భారీ విజువల్ ఎఫెక్ట్స్ కలిగివున్న ఇలాంటి ప్రాజెక్టులో భాగమైనందుకు ఆనందంగా ఉందని చెప్పింది. ‘లైఫ్‌లో మరిచిపోలేని అనుభూతి పొందాను. నిజంగా ఇందులో నటించడం గొప్ప అనుభవం. ఈ మూవీలో ఒక గ్రహాంతర వాసి ఉంది. ప్రేక్షకులను ఆశ్చర్యపరిచే విధంగా కొన్ని సీన్లు చిత్రీకరించాం. థియేటర్లలో అందరికీ గొప్ప ఫీలింగ్ కలుగుతుంది. నేను షూటింగ్‌ను చాలా ఎంజాయ్ చేశా’ అంటూ పలు సినిమాకు సంబంధించిన విషయాలు చెప్పుకొచ్చింది. ఇక ఈ మూవీ 2023 నవంబరులో రిలీజ్ కానుండగా మేకర్స్ ఇంకా డేట్ అనౌన్స్ చేయలేదు.
