రాజమౌళి కోడలు కూడా ఇండస్ట్రీకి చెందినదే.. ఏ సినిమాల్లో నటించిందంటే? నెట్టింట హాట్ టాపిక్‌గా నిలిచిన క్యూటీ
దిశ, వెబ్‌డెస్క్: కేవలం టాలీవుడ్ ఇండస్ట్రీలోనే కాకుండా ప్రపంచవ్యాప్తంగా క్రేజ్ దక్కించుకున్న దర్శకధీరుడు రాజమౌళి గురించి సుపరిచితమే. ఈయన ఎన్నో సినిమాలకు దర్శకత్వం వహించినప్పటికీ ప్రభాస్ హీరోగా తెరకెకించిన ‘బాహుబలి అండ్ రామ్ చరణ్, ఎన్టీఆర్ నటించిన ఆర్ఆర్ఆర్ చిత్రాలతో జక్కన్న ఇండస్ట్రీలో తిరుగులేసి ముద్ర వేసుకున్నారు. ఈ మూవీస్ బ్లాక్ బస్టర్ హిట్ కావడంతో ప్రభాస్ పాన్ ఇండియా స్టార్‌గా, రామ్ చరణ్ గ్లోబల్ స్టార్‌గా ట్యాగ్ దక్కించుకున్నారు. ఇదంతా పక్కన పెడితే..
జక్కన్న ఫ్యామిలీలో మల్టీటాలెంటెడ్ పర్సన్స్‌లా నెట్టింట జనాలు తరచూ చర్చించుకుంటారన్న విషయం తెలిసిందే. రాజమౌలి ఫ్యామిలీకి ఇండస్ట్రీలో ప్రత్యేక గుర్తింపు ఉంటుంది. రాజమౌళి తండ్రి విజయేంద్రప్రసాద్ మంచి రైటర్. అన్నయ్య కీరవాణి టాలీవుడ్ లోనే స్టార్ మ్యూజిక్ డైరెక్టర్‌గా పేరు దక్కించుకున్నారు. రెండో అన్నయ్య కళ్యాణ్ మాలిక్ మంచి మ్యూజికల్ హిట్స్ అందించారు. మరో బంధువైన చంద్రశేఖర్ సాహసం, ప్రయాణం, ఒక్కడున్నాడు వంటి చిత్రాలకు దర్శకత్వం వహించారు.
జక్కన్న చెల్లెలు శ్రీలేఖ సంగీత దర్శకురాలు. ఇక రాజమౌళి సతీమణి రమ ఫ్యాషన్ డిజైనర్‌గా చేస్తోన్న విషయం తెలిసిందే. కుమారుడు కార్తికేయ ఎగ్జిక్యూటివ్ ప్రొడ్యూసర్‌గా వ్యవహరిస్తున్నాడు. అయితే ఇన్నాళ్లు ఈ డైరెక్టర్ ఫ్యామిలీ నుంచి కొంతమంది మాత్రమే సినీ ఇండస్ట్రీలో రాణిస్తున్న విషయం తెలుసు. కానీ రాజమౌళి కోడలు కూడా ఓ నటి అంటూ తాజాగా సోషల్ మీడియాలో ఓ వార్త కుదిపేస్తుంది. ‘లిటిల్ సోల్జర్’ అనే చిత్రంలో చైల్డ్ ఆర్టిస్ట్ గా నటించిన క్యూట్ బేబీ జక్కన్నకు కోడలు వరుస అవుతుందట.
