అటకెక్కిన 'పవర్ పేట'.. శర్వాతో చైతన్య నెక్స్ట్..??

దిశ, వెబ్‌డెస్క్: టాలీవుడ్ యంగ్ హీరో నితిన్ తన లేటెస్ట్ మూవీ 'పవర్ పేట'ను స్టార్ట్ చేశాడు. కానీ నితిన్ ప్రస్తుత మార్కెట్ కారణంగా మేకర్స్ బడ్జెట్ విషయంలో కాస్త తటపటాయిస్తున్నారని ఇటీవల వార్తలు వచ్చాయి. తాజాగా ఈ సినిమా బడ్జెట్ పరంగా కొన్ని ఇబ్బందులను ఎదుర్కుంటోందని కూడా టాక్ వచ్చింది. దీంతో దర్శకుడు కృష్ణ చైతన్య ప్రస్తుతానికి ఈ సినిమాను అటకెక్కించాడట. చైతన్య తన నెక్స్ట్ మూవీపై దృష్టి పెట్టాడని టాక్ వినిపిస్తోంది.

తన తదుపరి సినిమా కోసం ప్లాన్ రెడీ చేశాడట. ఈ సినిమాలో శర్వానంద్‌ హీరోగా చేయనున్నాడట. ఈ సినిమా శర్వానంద్ కొత్తగా కనిపిస్తాడని, చైతన్య శర్వా కోసం పాత్రలో కొత్తదనాన్ని యాడ్ చేశాడని సోషల్ మీడియాలో వార్తలు వినిపిస్తున్నాయి. అయితే దీనికి సంబంధించి ఇప్పటి వరకు ఎటువంటి అధికారిక ప్రకటన రాలేదు. త్వరలో ఏమైనా వస్తుందేమో చూడాలి.