చిరంజీవికి పద్మవిభూషణ్.. RGV సెటైరికల్ ట్వీట్
దిశ, వెబ్‌డెస్క్: గణతంత్ర దినోత్సవ వేడుకల సందర్భంగా కేంద్రం మెగాస్టార్ చిరంజీవికి భారత రెండవ అత్యున్నత పురస్కారం పద్మ విభూషన్ ప్రకటించిన విషయం తెలిసిందే. ఇదే అంశంపై తెలుగు సినిమా ఇండస్ట్రీలో చాలామంది మెగాస్టార్ కు ప్రశంసలు కురిపించిన విషయం తెలిసిందే. సినీ ఇండస్ట్రీతో పాటు పలువురు రాజకీయ ప్రముఖులు విషెస్ చెప్పారు. అయితే వివాదాస్పద దర్శకుడు రామ్ గోపాల్ వర్మ మాత్రం చిరంజీవికి పద్మ విభూషణ్ పై ట్విట్టర్‌లో సెటైర్లు వేశారు. ‘తాను పద్మ సుబ్రహ్మణ్యం, బిందేశ్వర్ పాటక్ పేర్లు వినలేదని.. అదే వరుసలో మెగాస్టార్ ఉంటారు. తాను అవార్డు రావడం పట్ల ఆశ్చర్యానికి గురి కాలేదు. ఒక వేళ చిరంజీవి గారు సంతోషంగా ఉంటే తాను సంతోషంగా ఉన్నట్లు నటిస్తాను’ అంటూ కామెంట్ చేశారు. ఇది చూసిన నెటిజన్లు ఆర్జీవీపై ఫైర్ అవుతున్నారు. నీ బాధేంటి.. ప్రశంసించడం నేర్చుకో..’, ‘నీకు ఎందుకు ఎవరూ అవార్డ్ ఇవ్వడం లేదు మరి’ అంటూ కామెంట్లు పెడుతున్నారు.
