ఆర్ఆర్ఆర్‌కు ఆస్కార్.. రామ్ చరణ్ ఎమోషనల్ నోట్
దిశ, వెబ్‌డెస్క్: 95వ ఆస్కార్ వేడుకల్లో దర్శకధీరుడు ఎస్ఎస్ రాజమౌళి ప్రతిష్టాత్మకంగా తెరకెక్కించిన ఆర్ఆర్ఆర్ మూవీ సత్తా చాటింది. బెస్ట్ ఒరిజినల్ సాంగ్ విభాగంలో నాటు నాటు పాట‌కు ఆస్కార్ అవార్డు వరించింది. దీనిపై మెగా పవర్ స్టార్ రామ్ చరణ్ తేజ్ సోషల్ మీడియా వేదికగా స్పందిస్తూ.. ఎమోషనల్ అయ్యారు. ‘‘RRR సినిమా ప్రత్యేకమైనది. భారతీయుల జీవితాల్లో ఈ సినిమా ఎప్పటికీ గుర్తుండిపోతుంది. ఆస్కార్ అవార్డ్‌ వచ్చినందుకు, మీ ప్రేమ నాపై చూపించినందుకు మీ అందరికీ ధన్యవాదాలు. రాజమౌళి, ఎంఎం కీరవాణి మన భారతీయ చలనచిత్ర పరిశ్రమలో అత్యంత విలువైన రత్నాలు. ఇందులో భాగమయ్యే అవకాశం నాకు ఇచ్చినందుకు మీ ఇద్దరికీ ధన్యవాదాలు.
నాటు నాటు ప్రపంచవ్యాప్తంగా ఒక భావోద్వేగం. పాట రచయిత చంద్రబోస్, గాయకులు రాహుల్ సిప్లిగంజ్, కాల భైరవకు ధన్యవాదాలు. నా సహనటుడు తారక్‌- ధన్యవాదాలు సోదరా! మీతో కలిసి డ్యాన్స్ చేసి మళ్లీ రికార్డులు సృష్టించాలని ఆశిస్తున్నాను. కో-స్టార్‌గా నిలిచినందుకు అలియా భట్‌కు ధన్యవాదాలు. ఈ అవార్డు ప్రతి భారతీయ నటుడికి, సాంకేతిక నిపుణుడికి, సినిమా ప్రేక్షకుడికి చెందుతుంది. ప్రపంచవ్యాప్తంగా ఉన్న అభిమానులందరికీ నా హృదయపూర్వక ధన్యవాదాలు. ఇది మన దేశం సాధించిన విజయం’’ అని చెప్పుకొచ్చాడు.
Read more:
Upasana: ఆస్కార్ ఫంక్షన్‌లో ఉపాసన నెక్లెస్‌పై చర్చ.. ధర ఎంతో తెలుసా?
