షారుఖ్ ఖాన్ ఏకంగా ఇన్ని ఫోన్లు మెయింటైన్ చేస్తున్నాడా?
దిశ, సినిమా: బాలీవుడ్ బాద్‌షా షారుఖ్ ఖాన్ గురించి ప్రత్యేకంగా చెప్పాల్సిన అవసరం లేదు. ఈ హీరో నటించిన సినిమాలన్నీ ఇప్పటివరకు అన్ని బ్లాక్ బస్టర్ హిట్లే. గత ఏడాది విడుదలైన జవాన్, డంకీ చిత్రాలు సూపర్ హిట్ గా నిలిచాయి. ప్రపంచ వ్యాప్తంగా కోట్లాది మంది అభిమానులను సొంతం చేసుకున్న ఈ హీరోకు ఖరీదైన బంగ్లాలు, లగ్జరీ కార్లు, ఆస్తులు చాలా ఉన్నాయి.
అయితే తాజాగా తన అభిమాన హీరో షారుఖ్ ఖాన్ ఉపయోగించే మొబైల్స్ గురించి సోషల్ మీడియాలో ఫ్యాన్స్ చర్చించుకుంటున్నారు. షారూఖ్‌ కెరీర్‌లో స్టార్టింగ్ లో కీలక పాత్ర పోషించిన వివేక్ వాస్వాని స్వయంగా.. సిద్ధార్థ్ కన్నన్‌కు ఇచ్చిన ఓ ఇంటర్వ్యూలో షారుఖ్ ఇన్ని ఫోన్లు వాడుతారని చెప్పుకొచ్చాడు. నాలుగేళ్ల క్రితం జరిగిన తన పుట్టినరోజు వేడుకల్లో తప్ప మళ్లీ తనని కలవలేకపోయాను. షారుఖ్ ఖాన్ దగ్గర 17 మొబైల్స్ ఉన్నాయి.
నా దగ్గర ఒకటే ఫోన్ నెంబర్ ఉంది. నేను ఫోన్ చేసినపుడు బాదుషా ఫోన్ లిఫ్ట్ చేయడు. ఆయన ఫోన్ చేసినపుడు నేను లిఫ్ట్ చేయను. షారుఖ్ కు రెస్పాన్సిబిలిటీస్ ఎక్కువగా ఉంటాయి. నిత్యం ప్రయాణిస్తూనే ఉంటారు. వెండితెర సామ్రాజ్యాన్ని ఏలుతున్న అద్భుతమైన వ్యక్తి. అంటూ వివేక్ వాస్వాని ఇంటర్వ్యూలో చెప్పుకొచ్చాడు. షారుఖ్ ఖాన్ రియల్‌మీ, ఒప్పో లాంటి బ్రాండ్లకు బ్రాండ్‌ అంబాసిడర్‌గా పనిచేసిన విషయం తెలిసిందే. ఈ వార్త నెటిజన్లు.. వామ్మో షారుఖ్ ఖాన్ వద్ద ఏకంగా 17 ఫోన్లు ఉన్నాయా? అంటూ షాక్ అవుతున్నారు.
