శ్రీలీల చేసిన పని ఏ స్టార్ హీరోయిన్ కూడా చేయదు.. నాగశౌర్య ఆసక్తికర వ్యాఖ్యలు

దిశ, వెబ్‌డెస్క్: టాలీవుడ్ యంగ్ బ్యూటీ శ్రీలీల హవా నడుస్తోంది. ‘పెళ్లి సందడి’ సినిమాతో ఇండస్ట్రీకి ఎంట్రీ ఇచ్చి ఓవర్ నైట్ స్టార్‌గా దూసుకుపోతుంది. ప్రస్తుతం ఈ అమ్మడి చేతిలో దాదాపు 10 సినిమాలున్నాయి. అందులో టాలీవుడ్ టాప్ స్టార్స్ అందరూ ఉన్నారు. టాలీవుడ్‌లో ప్రస్తుతం మోస్ట్ వాంటెడ్ హీరోయిన్‌గా శ్రీలీల మారిపోయింది. తీరిక లేకుండా షూటింగ్స్‌లో పాల్గొంటూ ఫుల్ బిజీగా ఉంటుంది.

తాజాగా, శ్రీలీలపై యంగ్ హీరో నాగశౌర్య ఆసక్తికర వ్యాఖ్యలు చేశాడు. నాగశౌర్య ఇటీవల ఓ ఇంటర్వ్యూలో పాల్గొనగా.. మీరు నటించిన ఛలో సినిమాలో ముందుగా శ్రీలీలను హీరోయిన్ గా అనుకున్నారు. ఫైనల్ గా రష్మికను తీసుకున్నారు. ఇప్పుడు శ్రీలీల స్టార్ హీరోయిన్. దాని గురించి మీరు ఎం అనుకుంటున్నారు అని యాంకర్ అడిగాడు.

దానికి నాగశౌర్య సమాధానమిస్తూ ‘‘ శ్రీలీలను స్టార్ హీరోయిన్ స్థాయిలో చూడటం చాలా ఆనందంగా ఉంది. అవును ఛలో సినిమాకు ముందు శ్రీలీలనే అనుకున్నాం కానీ కుదరలేదు. మీకు తన గురించి ఇంకో విషయం చెప్తాను. ఇది శ్రీలీలకు కూడా తెలియదు. నేను ఒకసారి బెంగళూరు నుండి ఫ్లైట్ లో వస్తుంటే అదే ఫ్లైట్ లో శ్రీలీల కూడా ఉంది. అదే సమయంలో ఒక ముసలావిడ ఫ్లైట్ ఎక్కారు. ఆమె సీట్ వెనకాల చాలా దూరంలో ఉంది. అప్పుడు శ్రీలీల తన సీటు ఆ ముసలావిడకు ఇచ్చి తను వెళ్లి వెనకాల కూర్చుంది. నాకు తెలిసి స్టార్ హీరోయిన్ గా ఉన్న ఎవరూ ఆ పని చేయరు కానీ తాను చేసింది. అంత మంచి మనసు ఉంది కాబట్టే శ్రీలీల ఈరోజు ఈ రేంజ్‌లో ఉంది’’ అంటూ చెప్పుకొచ్చాడు.