సిసింద్రీ సినిమాలో నా ప్లేస్‌లో అఖిల్ నటించాడు: నిహారిక కొణిదెల
దిశ, సినిమా: మెగా డాటర్ నిహారిక గురించి సుపరిచితమే. నాగబాబు ఈమెను ఎంతో అల్లారు ముద్దుగా పెంచుకున్నారు. జొన్నలగడ్డ చైతన్యకు ఇచ్చి అంగరంగ వైభవంగా వివాహం చేశారు. పలు కారణాల వల్ల నిహారిక- చైతన్య డివోర్స్ తీసుకున్నారు. అనంతరం ఈ అమ్మడు రెండో పెళ్లి చేసుకోబోతుందంటూ సోషల్ మీడియాలో వార్తలు వినిపించాయి. ఈ వార్తలపై స్పందించిన మెగా డాటర్ నెట్టింట వస్తున్న వార్తలన్నీ పుకార్లనీ కొట్టిపారేసింది. ఇక నాగశౌర్య సరసన ఒక మనసు సినిమాలో.. సూర్యకాంతం, హ్యాపీ వెడ్డింగ్ వంటి సినిమాల్లో నటించింది. కానీ ఈ సినిమాలు బాక్సాఫీసు వద్ద పెద్దగా ఆడలేకపోయాయి. గత ఏడాది డెడ్ పిక్సెల్స్ అనే వెబ్ సిరీస్‌లో నటించింది. ఈ సిరీస్ మంచి విజయం సాధించింది.
అయితే తాజాగా మెగా డాటర్ ఓ ఇంటర్వ్యూలో హాజరై.. పలు ఇంట్రెస్టింగ్ విషయాలు వెల్లడించింది. సిసింద్రీ సినిమాలో నాగార్జున తనయుడు అఖిల్ నటించిన విషయం తెలిసిందే. అయితే అఖిల్ స్థానంలో ముందుగా నిహారికను ఎంచుకున్నారట. కానీ నిహారికకు అప్పటికే 8 నెలలు నిండడంతో గోడ పట్టుకుని నడిచేదట. దీంతో కేవలం నేలపై పాకేవారు మాత్రమే కావాలని అఖిల్‌ను తీసుకున్నారట. నిహారిక ఈ విషయం బయటపెట్టాక.. ‘‘నిహారిక కనుక సిసింద్రీ సినిమాలో నటించి ఉంటే.. ఇప్పటికి పాన్ ఇండియా హీరోయిన్ అయిపోవ్. మంచి అవకాశాన్ని మిస్ చేసుకుంది, పాపం మెగా డాటర్ టైం అస్సలు బాలేదు’ అంటూ నెట్టింట నెటిజన్లు కామెంట్లు పెడుతున్నారు.
Read More..
