కుమారి ఆంటీ స్టోరీతో అదిరిపోయే డాక్యుమెంటరీ రిలీజ్ చేయనున్న నెట్‌ఫ్లిక్స్.. పోస్టర్స్ వైరల్!
దిశ, సినిమా: ఇటీవల కాలంలో చాలా మంది సోషల్ మీడియాను నమ్ముకుంటున్నారు. అది వచ్చినప్పటిటి నుంచి ఎంతో మంది తమ వీడియోలతో ఫేమస్ అయ్యారు. అంతేకాకుండా కొందరు సినిమాల్లో ఆఫర్లు కూడా కొట్టేశారు. ఇటీవల పల్లవి ప్రశాంత్ తన వీడియోలతో బిగ్‌బాస్ సీజన్-7లో పాల్గొని విన్నర్‌గా కప్ గెలిచాడు. అలాగే కాలా పాషా అనే వ్యక్తి కుర్చి మడతపెట్టి అనే ఒక్క డైలాగ్‌తో నెట్టింట సంచలనం సృష్టించాడు. ఆయన అన్న మాటతో ఏకంగా సూపర్ స్టార్ మహేష్ బాబు సినిమాలో ఓ పాటనే పెట్టిన విషయం తెలిసిందే.
అలా ఈ మధ్య కాలంలో పాపులర్ అయినవారే కుమారి ఆంటీ అలియాస్ సాయి కుమరి. హైదరాబాద్ లో రోడ్ సైడ్ ఫుడ్ బిజినెస్ చేసే సాయి కుమారి. ఆమె మీది మొత్తం 1000 అయింది. రెండు లివర్లు ఎక్స్ ట్రా అనే డైలాగ్‌తో ఓవర్ నైట్ స్టార్ అయిపోయింది. ప్రస్తుతం సోషల్ మీడియాలో ఎక్కడ చూసినా ఆమె వీడియోలే దర్శనమిస్తున్నాయి. కొంత మంది మీడియా వారు ఆమెను ఇంటర్వ్యూ కూడా చేశారు. అందులో భాగంగా టాలీవుడ్ సినీ సెలబ్రిటీలలో పలువురు స్వయంగా వెళ్లి అక్కడ ఫుడ్ తీసుకెళ్లినట్లు ఆమె తెలిపి అందరి దృష్టి ఆమె వైపుకు తిప్పుకుంది. అయితే ఇటీవల ఆమె ఫుడ్ స్టాల్ వల్ల ట్రాఫిక్ జామ్ అవడంతో పోలీసులు అక్కడి తొలగించాలని ఆదేశాలు జారీ చేశారు.
ఈ క్రమంలో సీఎం రేవంత్ రెడ్డిని సంప్రదించగా ఆయన ఆమెకు అండగా నిలిచారు. అక్కడే వ్యాపారం చేసుకునేలా పోలీసులు ఏమనకుండా చేశారు. దీంతో కుమారి ఆంటీకి మరింత ఫేమ్ వచ్చింది. ఆ తర్వాత ఆమె బిగ్‌బాస్ షోకు వెళ్తుందని వార్తలు వైరల్ అయ్యాయి. దీనిపై అధికారిక ప్రకటన రాలేదు. ఇదిలా ఉంటే.. తాజాగా, నెట్‌ఫ్లిక్స్ కుమారి ఆంటీ స్టోరీతో ఓ డాక్యుమెంటరీ విడుదల చేస్తున్నట్లు న్యూస్ వైరల్ అవుతోంది. అంతేకాకుండా కొన్ని పోస్టర్స్ నెట్టింట సెన్సేషన్ క్రియేట్ చేస్తున్నాయి. ఇందులో నిజమెంత అనేది తెలియదు కానీ వాటిని చూసినవారంతా సూపర్ అంటున్నారు.
Read More: ఒకప్పుడు స్టార్ సింగర్ ఇంట్లో వంట మనిషే.. నేడు సీఎం గుర్తించిన సోషల్ మీడియా సెన్సేషన్
