మెగా ఫ్యామిలీ హీరోలకు మీరు బ్యాగ్రౌండ్ కాదు బరువు.. చిరంజీవి పై నాని ఇంట్రెస్టింగ్ కామెంట్స్..

దిశ, సినిమా: ఎలాంటి బ్యాగ్రౌండ్ లేకుండా తెలుగు ఇండస్ట్రీలో స్టార్ హీరోగా గుర్తింపు తెచ్చుకున్నాడు మెగాస్టార్ చిరంజీవి. కెరీర్‌లో ఇప్పటి వరకు ఆయన చేయని పాత్ర లేదు అనడంలో అతిశయోక్తి లేదు. అలా ఎంతో మంది హీరోలకు ఆయన ఆదర్శంగా నిలిచాడు. ఇప్పటికి కూడా యంగ్ హీరోలకు గట్టిపోటీ ఇస్తూ వరుస సినిమాలు చేస్తున్నాడు. ఇక తాజాగా నేచురల్ స్టార్ నాని చిరు గురించి ఇంట్రెస్టింగ్ కామెంట్స్ చేశాడు..

‘ఇండస్ట్రీలో అందరూ అనుకుంటూ ఉంటారు. రామ్ చరణ్‌కు, అల్లుఅర్జున్ కి ,తేజ్ కు, వరుణ్ కు.. చిరంజీవి బ్యాగ్రౌండ్ అని. కానీ మీరు వారికి బ్యాగ్రౌండ్ కాదు సార్ ఒక బరువు.. బాధ్యత. మా లాంటి ఎలాంటి బ్యాగ్రౌండ్ లేని ప్రతివాడికి చిరంజీవి గారు బ్యాగ్రౌండ్. ఒకప్పుడు గంటల గంటలు ఆయన కోసం సత్యం థియేటర్స్‌లో లైన్‌లో నిలుచున్నా.. పోలీసుల చేతిలో తన్నులు కూడా తిన్నా. కానీ మమ్మల్ని చూసి చిరంజీవి ఎంతగానో మురిసిపోయారు. అయితే ఓ షోలో చిరు గారు నానిలా కష్టపడి పైకి వచ్చిన వాళ్లకు నేను దాసోహం అన్నారు . అలాగే నానిలో నన్ను నేను చేసుకుంటున్నా అని అన్నారు.. దాంతో నేను అందంలో తేలిపోయా’ అంటూ చెప్పుకొచ్చాడు నాని.