నందమూరి ఫ్యాన్స్‌కు భారీ గుడ్‌న్యూస్.. బ్లాక్ బస్టర్ డైరెక్టర్‌తో మోక్షజ్ఞ సినిమా?
దిశ, సినిమా: గత నాలుగేళ్లుగా టాలీవుడ్ సీనియర్ స్టార్ హీరో బాలకృష్ణ తనయుడు మోక్షజ్ఞ హీరోగా ఎంట్రీ ఇవ్వబోతున్నాడని నెట్టింట వార్తలు కుదిపేస్తున్నాయి. ఇప్పటికే అగ్ర హీరోల ఫ్యామిలీల నుంచి ఎంతో మంది సినీ పరిశ్రమలో అడుగుపెట్టి.. స్టార్ హీరోలుగా గుర్తింపు తెచ్చుకున్నారు. ఈ జాబితాలోకి నందమూరి వంశానికి చెందిన మరో వారసుడు మోక్షజ్ఞ కూడా చేరబోతున్నాడు. మోక్షజ్ఞ ఎంట్రీ కోసం నందమూరి అభిమానులు ఎప్పటి నుంచో ఆత్రుతగా ఎదురుచూస్తున్న సంగతి తెలిసిందే.
అయితే తాజాగా ఈ స్టార్ కిడ్ ఓ టాలీవుడ్ బడా దర్శకుడితో సినిమా తీయబోతున్నాడంటూ సోషల్ మీడియాలో ఓ వార్త చక్కర్లు కొడుతోంది. మరీ ఆ డైరెక్టర్ ఎవరో కాదు.. మాస్ డైరెక్టర్ బోయపాటి శ్రీను. స్ట్కిప్ట్ డిస్కర్షన్స్ కూడా జరిగాయని టాక్. దీనిపై ఇంకా ఎలాంటి అధికారిక ప్రకటన రానప్పటికీ.. బోయపాటి దర్శకత్వంలో సినిమా అంటే మోక్షజ్ఞ పక్కా హిట్ కొట్టడం పక్కా అంటూ నెటిజన్లు కామెంట్లు పెడుతున్నారు. ఆదిత్య 369 సీక్వెల్ లో కూడా మోక్షజ్ఞ నటించనున్నాడని సమాచారం.
