‘వ్యూహం’ ప్రీ రిలీజ్ ఈవెంట్‌.. RGVపై రోజా ‘సెన్సేషన్’ కామెంట్ వైరల్
దిశ, సినిమా: కాంట్రవర్సీ సినిమాలకు పెట్టింది పేరు డైరెక్టర్ రామ్ గోపాల్ వర్మ. తాజాగా ఆయన తెరకెక్కించిన మరో పొలిటికల్ మూవీ ‘వ్యూహం’. ఏపీ సీఎం వైఎస్ జగన్ మోహన్ రెడ్డి రాజకీయ జీవితంలో జరిగిన కొన్ని సంఘటనల ఆధారంగా ఈ చిత్రాన్ని తీసినట్లు తెలుస్తోంది. ఇక ఇందులో వైఎస్ జగన్ పాత్రను అజ్మల్ పోషించగా, వైఎస్ భారతి పాత్రలో మానస కనిపించనుంది. ఈ నెల 29న గ్రాండ్‌గా ప్రేక్షకుల ముందుకు రానుంది. కాగా ఇప్పటికే విడుదలైనా ట్రైలర్, టీజర్, పోస్టర్స్ ఏపీలో ఉత్కంఠను రేకెత్తించగా, ట్రైలర్‌లో మరో రేంజ్‌లో ఆకట్టుకుంది.
ఇక ఈ మూవీ ప్రీ రిలీజ్ ఈవెంట్‌ను శనివారం (డిసెంబర్ 23) విజయవాడలో ఘనంగా నిర్వహించారు. ఈ కార్యక్రమంలో ఏపీ మంత్రి రోజా ముఖ్య అతిథిగా హాజరై ఆసక్తికర వ్యాఖ్యలు చేశారు. ‘వర్మ అంటేనే ఒక సెన్సేషన్. ‘వ్యూహం’ సినిమా టైటిల్ అనౌన్స్ చేయగానే, సైకిల్ పార్టీ షేకయి పోయింది. వర్మగారు డైరెక్టర్ అని తెలియగానే పచ్చ సైకోలకు తడిసిపోయింది. ఎప్పుడైతే టీజర్ వచ్చిందో చంద్రబాబుకు చెమటలు పట్టాయి. ట్రైలర్‌తో లోకేశ్ పరుగులు పెట్టాడు. చంద్రబాబు కుట్రలు కుతంత్రాలు, జగన్ అన్నపడిన సంఘర్షణకు రూపమే ఈ ‘వ్యూహం’ సినిమా అని తెలుస్తున్నది’ అంటూ చెప్పుకొచ్చారు రోజా. ప్రజెంట్ ఈ కామెంట్స్ సోషల్ మీడియాలో వైరల్ అవుతున్నాయి.
