మెగా ప్రిన్సెస్ క్లింకార ఫేస్ రివీల్.. వైరలవుతోన్న బ్యూటిఫుల్ పిక్స్ వీడియో..!!
దిశ, సినిమా: టాలీవుడ్ హీరో రామ్ చరణ్ అండ్ ఉపాసన ప్రేమించి పెళ్లి చేసుకున్న విషయం తెలిసిందే. వీరి పెళ్లైన పదేళ్లకు అపోలో ఆసుపత్రిలో పండంటి ఆడబిడ్డకు జన్మనిచ్చారు. మెగా ప్రిన్సెస్ రాకతో మెగా ఫ్యామిలీ మొత్తం సంతోషంలో నిండిపోయింది. ఇక మెగాస్టార్ చిరంజీవి ఆనందానికి అవధులు లేవని చెప్పుకోవచ్చు. ఈ బుజ్జాయికి క్లింకార అని నామకరణం చేశారు. క్లింకార పేరు మీద ఓ సాంగ్ కూడా విడుదల చేయడం విశేషం.
అన్ని బాగే ఉన్నాయి కానీ.. ఈ బుజ్జాయి ఫేస్ మాత్రం మెగా ఫ్యామిలీ ఇప్పటి వరకు చూపించలేదు. వెకేషన్స్ పార్టీలకు వెళ్లినా.. క్లింకార ముఖాన్ని ఎమోజీలతో కవర్ చేసి సోషల్ మీడియాలో పంచుకున్నారు తప్ప ఫేస్ మాత్రం రివీల్ చేయలేదు. అయితే తాజాగా రామ్ చరణ్- ఉపాసనల గారాల పట్టికి సంబంధించిన ఫొటోలు సోషల్ మీడియాలో వైరల్ అవుతున్నాయి. ఈ వీడియోలో ఉపాసన.. క్లింకారను కాళ్ల మీద కూర్చొబెట్టుకుని ఉన్న ఫొటో, మెగా ప్రిన్సెస్ ను ఎత్తుకుని దిగిన ఫొటో.. మరిన్ని ఫొటోలు కనిపిస్తున్నాయి. మరీ ఈ పిక్స్ లో మెగా ప్రిన్సెస్ రియల్ ఫేస్ ఆ? కాదా? అన్నది జనాలు అనుమానం వ్యక్తం చేస్తున్నారు. ప్రస్తుతం క్లింకార ఫేస్ సోషల్ మీడియాలో వైరల్ అవ్వగా.. మెగా ఫ్యాన్స్ సంతోషాన్ని వ్యక్తం చేస్తూ.. ‘సో క్యూట్’ అంటూ క్లింకార పై కామెంట్ల వర్షం కురిపిస్తున్నారు.
