కామన్‌మ్యాన్‌లా బతకడం కష్టం: బండి సరోజ్‌కుమార్‌
దిశ, సినిమా: బండి సరోజ్‌కుమార్‌ హీరోగా నటిస్తూ దర్శకత్వం వహించిన చిత్రం 'పరాక్రమం'. శృతి సమన్వి, నాగలక్ష్మీ మోహన్‌ సేనాపతి, నిఖిల్‌ గోపు, అనిల్‌కుమార్‌ ముఖ్యతారలుగా నటిస్తున్నారు. ఈ నెల 22న చిత్రం ప్రేక్షకుల ముందుకు రానుంది. అయితే ఈ సినిమా ట్రైలర్‌ విడుదల కార్యక్రమం బుధవారం హైదరాబాద్‌లో జరిగింది. ఈ కార్యక్రమానికి హీరో సందీప్ కిషన్, నిర్మాత ఎస్‌కేఎన్‌లు అతిథులుగా హాజరయ్యారు. ఈ సందర్భంగా బండి సరోజ్‌కుమార్‌ మాట్లాడుతూ.. ప్రతి సగటు మనిషికి కనెక్ట్ అయ్యే కథ ఇది.
ఈ పోస్టర్ లో మీకు సత్తి బాబు, లోవరాజు అనే రెండు క్యారెక్టర్స్ కనిపిస్తున్నాయి. ప్రతి ఒక్కరిలో సత్తి బాబు,లోవరాజు ఉంటారు. కామన్ మ్యాన్‌లా బతకడం కష్టం. మీ లైఫ్‌లో హీరోలు ఉంటారు విలన్స్ ఉంటారు. ఎన్నో భావోద్వేగాలు ఉంటాయి. అవన్నీ మిమ్మల్ని మీరు తెరపై చూసుకున్నట్లు పరాక్రమం సినిమా ఉంటుంది. నేను అభిమానించే చిరంజీవి పుట్టినరోజున 'పరాక్రమం' రిలీజ్ చేసుకోవడం సంతోషంగా ఉంది' అన్నారు. హీరో సందీప్ కిషన్ మాట్లాడుతూ.. బండి సరోజ్ కుమార్ వ్యక్తిత్వంతో పాటు ఆయన సినిమాలు కూడా జెన్యూన్‌గా ఉంటాయి. నేను లౌక్యానికి లొంగుతాను. బండి సరోజ్ కుమార్ లొంగడు. స్వచ్ఛంగా సినిమాలు చేస్తుంటాడు. పరాక్రమం ఒక జెన్యూన్ ఫిల్మ్. ఈ మూవీ అందరూ ఆదరించాలి' అన్నారు.
