గేమ్ ఛేంజర్ 'జరగండి' పాటపై ఇంట్రెస్టింగ్ విషయాలు చెప్పిన కియారా..
దిశ, సినిమా: తమిళ స్టార్ డైరెక్టర్ శంకర్ దర్శకత్వంలో గ్లోబల్ స్టార్ రామ్చరణ్ హీరోగా నటిస్తున్న సినిమా ‘గేమ్ ఛేంజర్’. చరణ్ సరసన కియారా అడ్వానీ హీరోయిన్‍గా నటిస్తుండగా.. అంజలి, ఎస్‍జే సూర్య, జయరాం, సునీల్, శ్రీకాంత్, సముద్రఖని వంటి వారు కీరోల్స్ చేస్తున్నారు. ఈ మూవీకి థమన్ సంగీతం అందిస్తున్నారు. కాగా హీరో రామ్చరణ్ పుట్టిన రోజు సందర్భంగా మార్చి 27న వచ్చిన ‘జరగండి’ సాంగ్ మాస్ బీట్‍‍తో అదిరిపోయింది.
ఇదిలా ఉండగా కియారా అడ్వానీ 77వ కేన్స్ ఫిల్మ్ ఫెస్టివల్‍లో ‘జరగండి’ పాట షూటింగ్ గురించి ఇంట్రెస్టింగ్ విషయాలు చెప్పారు. అందులో భాగంగా ఈ పాట షూటింగ్ 10 రోజుల పాటు జరిగింది. ఒక పాటకు ఇన్ని రోజుల షూటింగ్ ఇంతకు ముందెప్పుడూ తాను చేయలేదని.. కాని ఈ పాట చేస్తున్న టైం‌లో తాను చాలా ఎంజాయ్ చేశానని ఈ భామ వెల్లడించారు.
అలాగే ప్రభుదేవా కొరియోగ్రఫీ చేసిన ఈ పాట కోసం డైలీ మూడు నుంచి నాలుగు గంటల పాటు రిహార్సల్స్ చేశానని, రామ్చరణ్, తాను అన్ని స్టెప్‍లను మ్యాచ్ చేసేందుకు శ్రమించాల్సి వచ్చిందని కియారా అన్నారు. అయితే, ఆ ప్రాసెస్ అంతా తాను ఎంజాయ్ చేశానని అన్నారు. "అది చాలా మంచి ఎక్స్‌పీరియన్స్. నేను శంకర్‌తో పని చేయాలని ఎప్పటి నుంచో అనుకున్నా. ఆయన చాలా ప్యాషన్ ఉన్న ఫిల్మ్ మేకర్. లాస్ట్ సినిమా కంటే ఈ సినిమా చాలా అత్యుత్తమంగా ఉండాలని కష్టపడే తత్వం. నాకు అది చాలా ఇష్టం" అని కియారా అడ్వానీ చెప్పారు.
ఈ సంవత్సరంల అక్టోబర్ లేదా డిసెంబర్‌లో ఈ మూవీ విడుదల చేసేందుకు మూవీ టీమ్ ప్లాన్ చేస్తోంది. ఆర్ఆర్ఆర్ గ్లోబల్ హిట్ తర్వాత రామ్చరణ్ చేస్తున్న మూవీ కావటంతో గేమ్ ఛేంజర్‌పై పాన్ ఇండియా రేంజ్‍లో సూపర్ క్రేజ్ ఉంది.
