‘కార్తికదీపం’ సీక్వెల్.. టీవీ సీరియల్ హిస్టరీలోనే తొలిసారి అలా చేయనున్న మేకర్స్!
దిశ, సినిమా: బుల్లితెర ప్రేక్షకులకు మా టీవీ లో ప్రసారమయ్యే ఫేమస్ సీరియల్ కార్తీక దీపం గురించి ప్రత్యేకంగా చెప్పాల్సిన అవసరం లేదు. గత ఏడాది ఈ సీరియల్ ముగియగా.. ప్రస్తుతం మళ్లీ కార్తీక దీపం సీరియల్ కు కు సీక్వెల్ తీసుకువస్తున్నారు. బుల్లితెర ప్రేక్షకులంతా ఎప్పుడెప్పుడు ప్రసారమవుతుందని ఎంతో ఆత్రుతగా ఎదురుచూస్తున్నారు.
అమ్మలు, అమ్మమ్మలు, అత్తాకోడళ్లు, ఆడపడుచులు అంతా ఈ సీరియల్ ను వీక్షించడం కోసం రెడీ గా ఉన్నారు. ఈ క్రమంలో ప్రేక్షకులకు మరింత ఆసక్తిని పెంచేలా మేకర్స్ ప్రమోషన్స్ లో ఇంకాస్త జోరు పెంచారు. ఇప్పటికే వరుసగా ప్రోమోలను విడుదల చేశారు. తాజాగా అలాగే మేకర్స్ సరికొత్త ప్లాన్ చేయబోతున్నారు. వంటలక్క-డాక్టర్ బాబును డైరెక్ట్ గా చూసే చాన్స్ కల్పించేందుకు సన్నాహాలు చేస్తున్నారు.
విషయానికొస్తే.. మనం ఇప్పటి వరకు సినిమాల విషయంలో ప్రీ రిలీజ్ కార్యక్రమాలను చూశాం కదా. ఇప్పుడు కార్తీక దీపం సీరియల్ కు కూడా ప్రీ రిలీజ్ ఈవెంట్ ను నిర్వహించబోతున్నారట మేకర్స్. నేడు హైదరాబాదులో బంజారా హిల్స్ రోడ్ నెం. 2, ఎల్ వీ ప్రసాద్ హాస్పిటల్ పక్కన ఉన్న ప్రసాద్ లాబ్స్ వేదికన ఈ ఈవెంట్ జరపనున్నారని మేకర్స్ సోషల్ మీడియాలో పోస్ట్ పెట్టారు.
