Charmme Kaur: డబుల్ ఇస్మార్ట్ మూవీ విడుదల దగ్గరపడుతున్న వేళ ఛార్మీ సెన్సేషనల్ పోస్ట్

దిశ, సినిమా: టాలీవుడ్ హీరో రామ్ పోతినేని, పూరి జగన్నాథ్ కాంబోలో తెరకెక్కిన చిత్రం డబుల్ ఇస్మార్ట్. భారీ అంచనాల నడుమ ఈ సినిమా ఆగస్టు 15న గ్రాండ్‌గా థియేటర్స్‌లో విడుదల కాబోతుంది. అయితే ఈ మూవీ బ్లాక్ బస్టర్ హిట్ ఇస్మార్ట్ శంకర్‌కు సీక్వెల్‌గా రాబోతుండటంతో అందరి దృష్టి ఈ సినిమానే పడింది. ఇందులో కావ్య థాపర్ హీరోయిన్‌గా నటిస్తుండగా.. దీనిని టాలీవుడ్ హీరోయిన్ ఛార్మీ కౌర్ నిర్మిస్తోంది.

అయితే ఆ సినిమా నుంచి విడుదలైన అప్డేట్స్ అన్ని భారీ అంచనాలను పెంచేశాయి. ఆగస్టు 15న ఇతర సినిమాలు పోటిగా ఉన్నప్పటికీ డబుల్ ఇస్మార్ట్ వెనక్కి తగ్గడం లేదు. కేవలం ఐదు రోజుల సమయం మాత్రమే ఉండటంతో మేకర్స్ ప్రమోషన్స్‌లో ఫుల్ బిజీగా ఉన్నారు. ఈ క్రమంలో.. డబుల్ ఇస్మార్ట్ మూవీ బిజినెస్ క్లోజ్ అయిందని ఎగ్జిబిటర్లు సహకరించకపోవడం వల్ల రిలీజ్ కావడం కష్టమే అని పలు పుకార్లు షికారు చేస్తున్నాయి. అలాగే మిస్టర్ బచ్చన్ మేకర్స్, డబుల్ ఇస్మార్ట్ టీమ్ మధ్య గొడవలు జరుగుతున్నట్లు కూడా ఎన్నో వార్తలు వచ్చాయి.

తాజాగా, ఛార్మీ ట్విట్టర్ వేదికగా ఓ సెన్సేషనల్ పోస్ట్ పెట్టింది. ‘‘ డబ్బు మనుషుల్ని మార్చలేదు. అది వారి ముసుగును విప్పుతుంది. ఈ అనుభవాలు అనుభవం ద్వారా మాత్రమే సాధించబడతాయి. డబుల్ ఇస్మార్ట్ ఆగస్టు 15న ప్రపంచ వ్యాప్తంగా విడుదల కాబోతుంది’’ అని రాసుకొచ్చింది. అలాగే కోపంగా నిల్చుని ఉన్న ఫొటోను షేర్ చేసింది. ప్రజెంట్ ఛార్మీ పోస్ట్ వైరల్ అవుతుండగా.. అది చూసిన వారు డబుల్ ఇస్మార్ట్‌పై రూమర్స్ క్రియేట్ చేస్తున్న వారికే కౌంటర్ ఇచ్చిందని అభిప్రాయపడుతున్నారు.