అదంతా అబద్ధం.. రామ్‌తో నాకు ఇది మూడో సినిమా: శ్రీలీల షాకింగ్ కామెంట్స్
దిశ, వెబ్‌డెస్క్: హీరో రామ్ పోతినేని.. బోయపాటి శ్రీను దర్శకత్వంలో తెరకెక్కుతోన్న తాజా చిత్రం ‘స్కంద’. యంగ్ హీరోయిన్ శ్రీలీల నటించిన ఈ సినిమా కోసం ప్రేక్షకులు వేయి కళ్లతో ఎదురుచూస్తున్నారు. ఈ మూవీ సెప్టెంబరు 7న తెలుగు, తమిళ, కన్నడ, మలయాళం భాషల్లో పాన్ ఇండియా లెవల్‌లో గ్రాండ్‌గా రిలీజ్ కానుంది. కాగా, తాజాగా ఈ సినిమా ట్రైలర్ లాంచ్ హైదరాబాదులో ఘనంగా నిర్వహించారు. ఈ కార్యక్రమంలో శ్రీలీల మాట్లాడుతూ.. ‘‘అందరూ రామ్-శ్రీలీల మొదటిసారి స్క్రీన్ షేర్ చేసుకుంటున్నారని అనుకుంటున్నారు. కానీ అది అబద్ధం. రామ్‌తో నాకు ఇది మూడవ చిత్రం.’’ అని చెప్పగానే అక్కడున్న వారంతా షాక్ అయ్యారు. అయితే ఇంతకుముందు రామ్ హీరోగా వచ్చిన సినిమాల్లో ఈ అమ్మడుకు హీరోయిన్‌గా చేసే ఛాన్స్ వచ్చిందట. కానీ వేరే ఏవో కారణాల వల్ల ఆ మూవీస్‌లో నటించలేకపోయిందట. ఇప్పుడు స్కంద చిత్రంతో వర్కౌట్ అయ్యింది. 3 నా లక్కీ నెంబర్ అందుకే వర్కౌట్ అయ్యిందంటూ శ్రీలీల చెప్పుకొచ్చింది.
