మెగా ఫ్యామిలీలోని విజయాలన్నింటికి క్లీంకారనే కారణమా?

దిశ, సినిమా: మెగా పవర్ స్టార్ రామ్ చరణ్ అపోలో ఆసుపత్రి చైర్మన్ మనువరాలైన ఉపాసనను ప్రేమించి పెళ్లి చేసుకున్న విషయం తెలిసిందే. వీరి పెళ్లైన పదేళ్లకు పండంటి ఆడబిడ్డకు జన్మనిచ్చారు. ఈ ప్రిన్సెస్ రాకతో మెగా ఫ్యామిలీ సంబరాలు అంబరాన్నంటాయి. ఈ బుజ్జాయికి క్లీంకార అని నామకరణం కూడా చేశారు. ఇటీవల క్లీంకార పేరు మీద ఓ సాంగ్ కూడా రిలీజ్ చేశారు. అయితే మెగా హీరోలు వరుస ప్రాజెక్టులతో దూసుకుపోతుండటంతో క్లీంకారనే కారణమని మెగా ఫ్యాన్స్ హ్యాపీ కామెంట్స్ పెడుతున్నారు.

ఈ అమ్మడు పుట్టినాకనే మెగా ఫ్యామిలీకి కలిసి వస్తుందని భావిస్తున్నారు. క్లీంకార జన్మించాక రామ్ చరణ్ నటించిన ఆర్ ఆర్ ఆర్ చిత్రానికి ఆస్కార్ అవార్డు వచ్చింది. ప్రస్తుతం చరణ్ ‘గేమ్ ఛేంజర్’ మూవీలో నటిస్తున్నాడు. ఇక ఈ సినిమాకు తిరుగులేదు బ్లాక్ బస్టర్ హిట్ అవుతుందని ఫ్యాన్స్ కామెంట్స్ పెడుతున్నారు. ఇక తాజాగా మెగాస్టార్ చిరంజీవికి పద్మభూషణ్ ప్రకటించిన విషయం తెలిసిందే. కాగా ఈ విజయాలన్నింటికి కారణం మెగా ప్రిన్సెస్ క్లీంకారనే కారణమంటున్నారు ఫ్యాన్స్. అలాగే ఈ అమ్మడు నేమ్‌తో ఇన్‌స్టా ఖాతా ఓపెన్ చేయగా.. క్లీంకార అకౌంట్‌కు ప్రస్తుతం 1 మిలియన్ అనుచరులు ఉండటం విశేషం. క్లీంకార కారణంగా మెగా ఫ్యామిలీలో ఇంకెన్ని హైలెట్స్ జరగనున్నాయని అభిమానులు హర్షం వ్యక్తం చేస్తున్నారు.