ఆచార్య ప్లాప్‌తో.. Chiranjeevi 'God Father ' సినిమాకు చిక్కులు?
దిశ, వెబ్‌డెస్క్: మెగాస్టార్ చిరంజీవి హీరోగా, మెహన్ రాజా డైరెక్షన్‌లో తెరకెక్కుతున్న సినిమా 'గాడ్ ఫాదర్'. ఇప్పటికి ఈ సినిమా నుంచి రిలీజ్ అయిన టీజర్, ఫస్ట్ సింగిల్‌కు అభిమానుల నుంచి మంచి రెస్పాన్స్ దక్కింది. ఇదిలా ఉండగా 'గాడ్ ఫాదర్' రిలీజ్ సిద్దంగా ఉన్న సమయంలో అనేక పుకార్లు సోషల్ మీడియాలో వైరల్ అవుతున్నాయి. ఆ సినిమాకు బిజినెస్ జరగడం లేదని.. ఆచార్య ప్రభావంతో డిస్ట్రిబ్యూటర్స్ దూరంగా ఉంటున్నారని ప్రచారం జరుగుతుంది. అంతే కాకుండా ఈ సినిమా ప్రొడక్షన్‌పై సల్మాన్ ఖాన్ అప్‌సెట్ అయ్యారని, అందుకే ఆ సినిమా ఈవెంట్‌కు రావటం ఇష్ట పడటం లేదనే వార్తలు గప్పుమంటున్నాయి.
ఈ క్రమంలో మెగాస్టార్ అభిమానులు స్పందిస్తూ.. సల్మాన్ ఖాన్ అప్‌సెట్ అయినట్లు ఎక్కడ వార్తలు రాలేదు. అంతే కాకుండా 'గాడ్ ఫాదర్' రీసెంట్‌గా నాన్ థియేట్రికల్ రైట్స్‌ను కూడా అమ్మేసినట్లు తెలుస్తుంది. ప్రముఖ ఓటీటీ సంస్థ నెట్ ఫ్లిక్స్ ఈ సినిమాకి సంబంధించిన డిజిటల్స్ రైట్స్‌ను దక్కించుకున్నట్లు సమాచారం. ఎక్కువ మొత్తానికే ఆ హక్కులను అమ్మినట్లు తెలుస్తుంది. కానీ, ఎంత మొత్తం అనేది ఇంకా ప్రకటించలేదు. అయితే కొంతమంది ఈ సినిమాపై కావాలనే బురదజల్లే ప్రయత్నాలు చేస్తున్నారని అభిమానులు మండిపడుతున్నారు. కాగా, ఈ సినిమా అక్టోబర్ 5న థియోటర్లలో సందడి చేయనుంది.
Also Read : రవితేజ కోసం రంగంలోకి రేణు దేశాయ్.. స్పెషల్ పోస్ట్
