Sardaar 2: 'సర్దార్ 2'లో హీరోయిన్ ఫిక్స్.. కార్తీతో జత కట్టనున్న క్రేజీ బ్యూటీ
దిశ, సినిమా: తమిళ స్టార్ హీరో కార్తీ హీరోగా నటించిన ‘సర్ధార్’ తమిళం, తెలుగు భాషల్లో బ్లాక్ బస్టర్ హిట్ అయ్యింది. ఇప్పుడు ఈ సినిమాకు సీక్వెల్‌గా ‘సర్ధార్ 2’ తెరకెక్కిస్తున్నాడు దర్శకుడు పీఎస్ మిత్రన్. ఈ చిత్రానికి సంబంధించిన రెగ్యులర్ షూటింగ్ ప్రజెంట్ చెన్నైలో భారీ సెట్స్‌లో స్టార్ట్ అయింది. ప్రిన్స్ పిక్చర్స్‌పై ఎ. వెంకటేష్ సహ నిర్మాతగా, ఎస్. లక్ష్మణ్ కుమార్ నిర్మాతగా వ్యవహరిస్తున్న ‘సర్ధార్ 2’ నుంచి తాజాగా క్రేజీ అప్‌డేట్ ఇచ్చారు మేకర్స్.
ఇందులో బ్యూటీఫుల్ అండ్ ట్యాలెంటెడ్ మాళవిక మోహన్ హీరోయిన్‌గా నటిస్తున్నట్లు మేకర్స్ అనౌన్స్ చేశారు. ఎస్.జే సూర్య పవర్ ఫుల్ పాత్రలో కనిపించనున్న ఈ మూవీ భారీ బడ్జెట్‌తో రూపొందుతుంది. ఈ సినిమాకి టాప్ టెక్నిషియన్స్ పని చేస్తుంగా.. యువన్ శంకర్ రాజా సంగీతం అందించనున్నారు. జార్జ్ సి విలియమ్స్ ఫోటోగ్రఫీ డైరెక్టర్, దిలీప్ సుబ్బరాయన్ స్టంట్ డైరెక్టర్. రాజీవ్ నంబియార్ ప్రొడక్షన్ డిజైనర్.
