ఎన్టీఆర్ అభిమానులకు గుడ్ న్యూస్.. ఆస్కార్ దిశగా తారక్..
దిశ, వెబ్‌డెస్క్: దర్శకధీరుడు ఎస్‌ఎస్ రాజమౌళి డైరెక్షన్‌లో వచ్చిన బ్లాక్ బాస్టర్ సినిమా 'ఆర్ఆర్ఆర్'. ఈ సినిమాలో మెగా పవర్ స్టార్ రామ్ చరణ్.. యంగ్ టైగర్ ఎన్టీఆర్ కలిసి నటించారు. మార్చి 25న రిలీజ్ అయిన ఈ సినిమాకు వరల్డ్ వైడ్ అదిరిపోయే రెస్పాన్స్ దక్కిన విషయం తెలిసిందే. ముఖ్యంగా ఎన్టీఆర్ కొమురం భీం పాత్రలో వరల్డ్ వైడ్ ఆడియెన్స్ మనసును దోచుకున్నాడు. ఇదిలా ఉంటే ఈ సినిమాలో ఎన్టీఆర్ పాత్రపై హాలీవుడ్ డైరెక్టర్స్ కూడా స్పందించడం విశేషం.
దీంతో ఆర్ఆర్ఆర్ సినిమా తర్వాత ఎవరూ ఊహించని స్థాయిలో ఫాలోయింగ్ పెరిగి.. తారక్ ఒక్కసారిగా గ్లోబల్ స్టార్‌గా ఎదిగిపోయాడు. కాగా.. తారక్ పెర్ఫామెన్స్‌కు గ్లోబల్ రెస్పాన్స్ అదిరిపోవడమే కాకుండా.. 'ఆస్కార్ 2023'లో ఎన్టీఆర్ పేరు ఉన్నట్లు తెలుస్తుంది. ప్రముఖ హాలీవుడ్ 'వెరైటీ' పబ్లికేషన్స్ విడుదల చేసిన 'ఆస్కార్స్ 2023' ప్రిడిక్షన్ లిస్ట్‌లో ఎన్టీఆర్ పేరు ఉంది. 'ఆర్ఆర్ఆర్' సినిమాలో ఎన్టీఆర్ నటనకు గాను ఆస్కార్ బరిలో నిలిచి నట్లు తెలిపారు.వెరైటీ మ్యాగజైన్ విడుదల చేసిన ఈ ప్రిడిక్షన్ లిస్ట్ లో ప్రైడ్ ఆఫ్ ఇండియన్ సినిమాగా 'ఎన్టీఆర్' నిలిచారు. ఆసియా నుంచి ఎన్టీఆర్ పేరు మాత్రమే ఈ లిస్ట్‌లో ఉన్నట్టు సమాచారం. దీంతో తారక్ అభిమానులు ఫుల్ ఖుషీ అవుతున్నారు. తారక్ అభిమానులుగా ఉన్నందుకు సంతోషం వ్యక్తం చేస్తున్నారు.
