మెగా ఫ్యాన్స్‌కు భారీ గుడ్‌న్యూస్: తల్లి కాబోతున్న లావణ్య త్రిపాఠి?
దిశ, సినిమా: మెగా ప్రిన్స్ వరుణ్ తేజ్-లావణ్య త్రిపాఠి ఐదేళ్లుగా ప్రేమలో ఉండి గత ఏడాది ఎంగేజ్‌మెంట్ చేసుకుని ఫ్యాన్స్‌కు ఒక్కసారిగా షాక్ ఇచ్చారు. వీరి ప్రేమ చిగురించిన ఇటలీలో ఇరు కుటుంబ సభ్యుల సమక్షంలో అంగరంగ వైభవంగా వివాహం చేసుకున్నారు. దాదాపు వీరి నిశ్చితార్థం, పెళ్లి రెండు నెలల వరకు సోషల్ మీడియాలో ట్రెండింగ్‌లో ఉన్నాయి. ప్రస్తుతం లావణ్య-వరుణ్ హ్యాపీగా ఉన్నారు.
అటు వరుణ్ సినిమాల్లో నటించగా.. ఇటు లావణ్య వెబ్ సిరీస్‌లతో దూసుకుపోతుంది. లావణ్య త్రిపాఠి ‘మిస్ పర్ఫెక్ట్’ అనే వెబ్ సిరీస్‌లో నటించిన విషయం తెలిసిందే. ప్రస్తుతం ఈ సిరీస్ డిస్నీ+ హాట్‌స్టార్ ఓటీటీలోకి స్ట్రీమింగ్‍కు అవుతుంది. లావణ్య నటనకు మంచి రెస్పాన్స్ దక్కుతుంది. ఇక ఇందులో బిగ్‌బాస్ ఫేమ్ అభిజిత్ దుద్దల, అభిజ్ఞ వుతలూరు, హర్ష్ రోహన్, సునైనా, మోహన శ్రీ, ఝాన్సీ, హర్షవర్దన్, మహేశ్ విట్టా వంటి వారు ముఖ్య పాత్రల్లో నటించారు.
ఇకపోతే తాజాగా మెగా కోడలు తల్లి కాబోతుందంటూ సోషల్ మీడియాలో ఓ వార్త కుదిపేస్తుంది. మీరు విన్నది నిజమే కానీ.. ఆమె రియల్ లైఫ్‌లో కాదు. ఓ మూవీలో లావణ్య అగ్ర హీరో మదర్‌గా నటించబోతుందట. స్టార్ హీరో చిన్నప్పటి సన్నివేశాల్లో మెగా కోడలు తల్లిగా మెరవనుందట. లావణ్య ఈ బడా ప్రాజెక్టుకు గ్రీన్ సిగ్నల్ కూడా ఇచ్చినట్లు సమాచారం. ప్రాజెక్టుపై సంతకం చేసిందట. లేడీ ఓరియెంటెడ్ చిత్రాల్లో మెయిన్ రోల్స్ ఆఫర్స్ కూడా వస్తున్నాయట. దీనిపై ఎలాంటి ప్రకటన లేదు కానీ ప్రస్తుతం ఈ వార్త నెట్టింట హాట్ టాపిక్‌గా మారింది.
ఇక ఈ లొట్ట చెంపల బ్యూటీ మంచి పేరున్న ఇంటికి కోడలిగా వెళ్లింది కాబట్టి.. ఇలాంటి పాత్రల్లో నటించడమే బెటర్ అంటున్నారు మెగా ఫ్యాన్స్. డిఫరెంట్ కథలను ఎంచుకుంటూ ఎలాంటి మచ్చ పడకుండా వెండితెరపై అలరిస్తూ మెగా ఫ్యామిలీకి మంచి పేరు తెచ్చిపెడుతుందని నెట్టింట నెటిజన్లు లావణ్యపై పొగడ్తల వర్షం కురిపిస్తున్నారు.
