Kia cars: భారీ శుభవార్త.. కియా కార్లపై రూ.లక్షల్లో డిస్కౌంట్..!!
దిశ, వెబ్‌డెస్క్: కియా మోటార్స్(Kia Motors) వినియోగదారుల కోసం భారీ డిస్కౌంట్స్ ప్రకటించింది. పాత స్టాక్ మొత్తం అమ్మడుపోకపోవడంతో కంపెనీలు ఈ నెల(నవంబరు)లో మంచి డిస్కౌంట్స్ ఇస్తున్నాయి. ఏకంగా రూ. 2లక్షల వరకు తగ్గింపు ఇవ్వడం గమనార్హం. కేరెన్స్(Karens)పై రూ.95,000 వరకు తగ్గింపు ఇస్తుంది. అలాగే సెల్టోస్(Celtos)పై రూ.2 లక్షలు, సోనెట్‌(Sonnet)పై రూ.55,000 వరకు తగ్గిస్తున్నారు.
ఈ ఏడాది (2024)ఏప్రిల్ 1 వ తేదీన భారతదేశం(India)లో లాంచ్ అయిన కియా సెల్టోస్ కంపెనీ(Kia Seltos Company) మిడ్-సైజ్ SUV సెల్టోస్(Mid-size SUV Seltos)ను కొంటే ఏకంగా 2 లక్షల రూపాయల వరకు ఆదా చేసుకోవచ్చు. ఈ కారు ఎక్స్-షోరూమ్ ధర రూ.10.90 లక్షల నుండి రూ.20.45 లక్షల వరకు ఉంటుంది. కియా సెల్టోస్‌ను HTE, HTK, HTK+, HTX, HTX+, GTX+ అండ్ X-లైన్ అనే 7 వేరియంట్‌లలో అందిస్తుంది. అలాగే SUV సోనెట్‌పై రూ.55,000 వరకు డిస్కౌంట్ ఉంది. కియా కేరెన్స్ కొనాలనుకుంటే.. పాత, కొత్త స్టాక్ పై డీలర్ స్థాయిలో ఏకంగా రూ.52,000 నుండి రూ.95,000 వరకు డిస్కౌంట్ లభిస్తుంది.
