Vishwambhara Movie : మెగా ఫ్యాన్స్‌కు గుడ్ న్యూస్.. ‘విశ్వంభర’ నుంచి క్రేజీ అప్‌డేట్
దిశ, సినిమా: మెగా స్టార్ తాజా సినిమా ‘విశ్వంభర’. బింబిసార ఫేమ్ డైరెక్టర్ వశిష్ఠ తెరకెక్కిస్తున్న ఈ చిత్రం షూటింగ్ శరవేగంగా జరుతోంది. ఈ సినిమా నుంచి ఇప్పటికే రిలీజైన ప్రతి అప్‌డేట్ ఆకట్టుకోగా.. ఇందులో హీరోయిన్‌గా త్రిషను కన్ఫార్మ్ చేశారు. ఇక చిరు, త్రిషల మధ్య ఓ ఇంట్రెస్టింగ్ డ్యూయెట్‌ని కూడా రూపొందిస్తున్నట్లు వార్తలు గట్టిగానే వినిపిస్తున్నాయి.
అయితే రీసెంట్‌గా ‘విశ్వంభర’ షూటింగ్‌కు తాత్కాలికంగా బ్రేక్ పడిన విషయం తెలిసిందే. గ్యాప్ లేకుండా మూడు రోజుల పాటు యాక్షన్ సన్నివేశాలు చిత్రకరించడంతో చిరంజీవి కాళ్లకు ఏదో ప్రాబ్లెం వచ్చిందని రెండు రోజులు షూటింగ్‌ను నిలిపివేశారు. ఇక తాజా సమాచారం మేరకు ఇప్పుడు మరో షెడ్యూల్‌ని షురూ చేసినట్లు తెలుస్తోంది. ఇదిలా ఉంటే.. ప్రస్తుతం ‘విశ్వంభర’ షూటింగ్ గురించి ఓ క్రేజీ అప్‌డేట్ నెట్టింట వైరల్‌గా మారింది. అదేంటేంటే..
ఈ సినిమాలో ఓ స్పెషల్ యాక్షన్ సీక్వెన్స్ కోసం రామోజీ ఫిల్మ్ సిటీలో భారీ సెట్‌ను ప్లాన్ చేస్తున్నారట మేకర్స్. ఈ సీక్వెన్స్‌లో చిరంజీవితో పాటు కొంతమంది విలన్స్‌ మధ్య భారీ యాక్షన్ సీన్స్ చిత్రీకరించనున్నట్లు సమాచారం. ఈ సీన్స్‌లోని యాక్షన్ విజువల్స్ చాలా వైల్డ్‌గా ఉండబోతుందని టాక్. ఇందులో చిరంజీవి గెటప్, సెటప్ చాలా థ్రిల్లింగ్‌గా ఉండనుందట. ప్రస్తుతం ఈ వార్త సోషల్ మీడియాలో వైరల్‌గా మారడంతో.. మెగా ఫ్యాన్స్ పండుగా చేసుకుంటున్నారు. కాగా.. ‘విశ్వంభర’ సినిమా వచ్చే ఏడాది సంక్రాంతి టార్గెట్‌గా ప్రేక్షకుల ముందుకు రానుందని సమాచారం.
