థియేటర్‌లో రచ్చ చేసిన చిరు ఫ్యాన్స్.. బాణసంచా కాల్చుతూ
దిశ, సినిమా: మోహన్‌ రాజా దర్శకత్వంలో మెగాస్టార్‌ చిరంజీవి హీరోగా వచ్చిన చిత్రం 'గాడ్‌ఫాదర్‌'. బాలీవుడ్ సూపర్‌ స్టార్‌ సల్మాన్‌ఖాన్‌తో పాటు నయనతార, సత్యదేవ్‌, పూరీ జగన్నాథ్‌, అనసూయ తదితరులు ప్రధాన పాత్రలు పోషించారు. దసరా కానుకగా ప్రేక్షకుల ముందుకు వచ్చిన ఈ చిత్రం సూపర్‌హిట్‌ టాక్‌ సొంతం చేసుకుంది. సౌత్‌ నుంచి నార్త్‌ వరకు కలెక్షన్ల వర్షం కురిపిస్తోంది.
ఇదిలావుంటే.. 'గాడ్‌ఫాదర్‌' సినిమా నడుస్తున్నా ఓ థియేటర్‌లో అభిమానులు అత్యుత్సాహం చూపించారు. థియేటర్‌లోనే సీట్ల ముందు టపాసులు కాల్చి హడావిడి చేశారు. ఈ సంగటన మహారాష్ట్రలోని మాలేగావ్‌లోని ఓ థియేటర్‌లో చోటు చేసుకుంది. సినిమాలో తార్‌మార్‌ సాంగ్‌ ప్లే అవుతోన్న సమయంలో కొంతమంది అభిమానులు బాణసంచా పేల్చగా అక్కడున్న ప్రేక్షకులు భయాందోళనకు గురయ్యారు. దీనికి సంబంధించిన వీడియోలు ప్రస్తుతం సోషల్‌ మీడియాలో వైరల్‌ అవుతున్నాయి.
ALSO READ : 'గాడ్ ఫాదర్' నాకు ప్రత్యేకమైన చిత్రం.. నయన్
