టీ 20 ప్రపంచకప్ గెలుపుపై సినీ సెలబ్రిటీల రియాక్షన్.. వరుస పోస్టులతో మారుమోగుతోన్న ఇస్టాగ్రామ్
దిశ, వెబ్‌డెస్క్: టీమిండియా 2024, టీ20 ప్రపంచకప్ కైవసం చేసుకోవడంతో దేశవ్యాప్తంగా ప్రముఖ రాజకీయ నాయకులు, సినీ సెలబ్రిటీలు, క్రికెట్ డై హార్డ్ ఫ్యాన్స్ సోషల్ మీడియా వేదికన భారత జట్టుకు పెద్ద ఎత్తున శుభాకాంక్షలు తెలియజేస్తున్నారు. బార్బార్బెడో వేదికన చివరి ఓవర్ వరకు నరాలు తెగే ఉత్కంఠ నడుమ ముగిసిన ఈ మ్యాచ్‌కు తాజాగా సినీ సెలబ్రిటీలు ఇన్‌స్టాగ్రామ్ వేదికన ప్రశంసల వర్షం కురిపిస్తున్నారు.
ఈ సందర్భంగా స్టార్ హీరోయిన్ కీర్తి సురేష్.. ‘‘భారత జట్టు అద్భుతమైన విజయం సాధించింది. నిజంగా చెప్పాలంటే క్లాస్ యాక్ట్.. మ్యాచ్ మొత్తం నా సీటు అంచులోనే ఉన్నాను. టీమ్ మొత్తం కూడా వెరీ టాలెంటెడ్. రోహిత్ శర్మ మీరు ఎంతో తెలివితో జట్టును ముందుకు నడిపిస్తూ చాలా ఓపికగా ఉన్నారు. ఇక విరాట్ గురించి చెప్పాలంటే.. విరాట్ మమ్మల్ని మీరు ఆశ్చర్యపరచడంలో ఎప్పుడూ విఫలం కాలేదు. మీ ఉనికి లేకుండా టీమ్ ఇండియా ఒకేలా ఉండదు. జస్ప్రీత్ బుమ్రా మీరు ఈ మొత్తం టోర్నమెంట్‌ని ఆడటం.. మేం చూడడం సంపూర్ణమైన ట్రీట్. హార్దిక్ పాండ్యా అసాధారణమైన ఆల్ రౌండ్ ప్రదర్శన, మీరు అద్భుతంగా ఆడారు. రాహుల్ ద్రవిడ్, మీరు ఈ జట్టుకు అవసరమైన రోల్ మోడల్2’. అంటూ కీర్తి సురేష్ రాసుకొచ్చింది.
అలాగే ‘‘ఈ రోజు చాలా గ్రేట్ డే.. ఒక ఎపిక్ ఫిల్మ్ చూశాను. నాకు చాలా హ్యాపీగా ఉంది. భారతదేశం గెలిచింది. కాంగ్రాట్స్ టీమిండియా’’ అంటూ రాశీకన్నా రాసుకొచ్చింది. అలాగే వాట్ ఏ బ్రిలియంట్ క్యాట్ అంటూ సూర్యను పొగుడుతూ రకుల్ ప్రీత్ సింగ్, వాట్ ఏ మ్యాట్ అండ్ వాట్ ఏ క్యాచ్.. కిల్ల్డ్ ఇట్ అంటూ క్యూటీ లావణ్య త్రిపాఠి, సో ఫ్రౌడ్ అంటూ నయనతార(సీనియర్ హీరోయిన్ స్నేహా, రష్మిక మందన్నా, శ్రీముఖి, సాయిధరమ్ తేజ్, వెంకటేష్, జ్యోతిపుర్వాజ్, వరుణ్ తేజ్)పలువురు హీరో, హీరోయిన్లు సోషల్ మీడియాలో టీమిండియాను ఆకాశనెత్తుతున్నారు. ఇక విరాట్ రిటైర్‌మెంట్ ప్రకటించడంతో హీరోయిన్ సంయుక్త మీనన్ స్యాడ్ సింబల్స్ జోడించి పోస్ట్ పెట్టడం నెట్టింట హాట్ టాపిక్‌గా మారింది.
