డోంట్ మిస్!!.. హరోం హర' బంపరాఫర్.. ఒక్క మిస్డ్ కాల్‌తో ఐ ఫోన్, జీప్, బైక్‌ను సొంతం చేసుకునే ఛాన్స్

దిశ, సినిమా: జ్ఞాన సాగర్ ద్వారకా దర్శకత్వంలో సుధీర్ బాబు హీరోగా నటిస్తున్న మోస్ట్ అవైటెడ్ మూవీ ‘హరోం హర’. శ్రీ సుబ్రహ్మణ్యేశ్వర సినిమా పతాకంపై సుమంత్ జి నాయుడు నిర్మిస్తున్న ఈ మూవీలో మాళవిక శర్మ కథానాయికగా నటిస్తోంది. ఈ మూవీ 1989లో చిత్తూరు జిల్లా కుప్పం నేపథ్యంలో సాగే పీరియాడికల్ ఫిల్మ్ కాగా, చేతన్ భరద్వాజ్ ఈ మూవీకి సంగీతం అందిస్తున్నారు. అయితే ముందుగా ఈ మూవీని మే 31న రిలీజ్ చేయాలని భావించిన చిత్ర బృందం కొన్ని కారణాల వల్ల వాయిదా పడి జూన్ 14న రిలీజ్ కాబోతోంది. ఈ నేపథ్యంలోనే మూవీ ప్రమోషన్స్ జోరుగా సాగుతున్నాయి.

ఇదిలా ఉంటే ఆడియన్స్ కోసం ఒక అదిరిపోయే ఆఫర్ ను ప్రకటించారు మేకర్స్. తమ ప్రమోషన్లో భాగంగా ఒక వినూత్నమైన కాంటెస్ట్‌కు ప్లాన్ చేశారు. దీని ప్రకారం ఈ పోటీలో పాల్గొనే వారు 08045936069 టోల్ ఫ్రీ నెంబర్‌కు మిస్డ్ కాల్ కాల్ ఇస్తే చాలు. దీంతో వారి వద్ద మీ ఫోన్ నంబర్ ఆటోమేటిక్ గా సేవ్ అయిపోయి వారిలో నుంచి కొందరిని లాటరీ పద్ధతిలో విజేతలుగా ఎంపిక చేస్తారు. ఈ కాంటెస్ట్ లో గెలుపొందిన వారు ఏకంగా జీప్, ఐపోన్ 16 PRO, చేతక్ బైక్ ను సొంతం చేసుకోవచ్చు. ఈ విషయాన్ని సోషల్ మీడియా ద్వారా అధికారికంగా ప్రకటించింది చిత్ర బృందం.

హరోం హరా చిత్ర బృందం షేర్ చేసిన పోస్ట్ ప్రస్తుతం సోషల్ మీడియాలో వైరల్ గా మారింది. దీనిని చూసిన వారందరూ ఇప్పటికే భారీగా మిస్డ్ కాల్స్ ఇస్తున్నారు. కాగా ప్రమోషన్లలో భాగంగా నేడు (మే 30) టాలీవుడ్ సూపర్ స్టార్ మహేష్ బాబు చేతుల మీదుగా హరోం హర ట్రైలర్ రిలీజ్ కానుంది.

Win Subrahmanyam's vehicle & Iphone!❤️‍🔥

Give a missed call to 08045936069 & Enroll in the #HaromHara contest to win big🎁💥

IN CINEMAS JUNE 14TH🔱#HaromHaraOnJune14th@Isudheerbabu @ImMalvikaSharma @suneeltollywood @gnanasagardwara @chaitanmusic @Music_Vengi @SumanthnaiduG pic.twitter.com/qLcCI37iZq

— Sree Subrahmanyeshwara Cinemas (@SSCoffl) May 29, 2024