ఆ స్టార్ హీరోతో చేయాల్సిన సలార్ ప్రభాస్‌తో ఎందుకు చేయాల్సి వచ్చిందో తెలుసా?
దిశ, వెబ్‌డెస్క్: ప్రశాంత్ నీల్ దర్శకత్వంలో తెరకెక్కిన ప్రతిష్టాత్మక చిత్రం ‘సలార్’ ప్రస్తుతం థియేటర్ల వద్ద ఎంతగా దుమారం రేపుతుందో ప్రత్యేకంగా చెప్పనవసరం లేదు. ఈ సినిమాలో డైరెక్టర్.. రెబల్‌స్టార్‌ను ఓ రేంజ్‌లో చూపించాడు. 3 రోజుల్లోనే 402 కోట్ల రూపాయల భారీ వసూళ్లను రాబట్టింది. ఈ విషయం పక్కన పెడితే.. ప్రశాంత్.. ప్రభాస్‌కు బదులు మరో స్టార్ హీరోతో ఈ సినిమా చేద్దామనుకున్నాడట. ఆ హీరో ఎవరో కాదు.. తమిళ స్టార్ హీరో సూర్య. స్క్రిప్ట్ రెడీ చేసుకుంటున్న క్రమంలో డైరెక్షన్ డిపార్ట్మెంట్‌లో ఒకరు ఈ కథకు ప్రభాస్ అయితే బాగా సెట్ అవుతాడని సజెషన్ ఇచ్చాడట.
దీంతో ఒక రోజంతా ప్రభాస్‌ను స్క్రిప్ట్‌లో ఊహించుకున్నాడట. ఈ మూవీకి రెబల్ స్టార్ కరెక్ట్ గా సెట్ అవుతాడని భావించిన దర్శకుడు.. వెంటనే ప్రభాస్‌కు స్టోరీ వినిపించాడట. ప్రభాస్ కూడా గ్రీన్ సిగ్నల్ ఇవ్వడంతో మూవీ షూటింగ్ స్టార్ట్ చేశారట. ఇక సోషల్ మీడియాలోని జనాలు.. సూర్య చేయాల్సిన బ్లాక్ బస్టర్ చిత్రం ప్రభాస్ చేశాడు అంటూ ప్రస్తుతం కామెంట్స్ పెడుతున్నారు.
