వాడొక నీచ్ కమీన్ కుత్తే.. కేజీఎఫ్ హీరోపై సంచలన వ్యాఖ్యలు చేసిన డైరెక్టర్ (వీడియో)
దిశ, వెబ్‌డెస్క్: సినీ ఇండస్ట్రీలో విభేదాలు, విమర్శలు తరచూ తెరపైకి వస్తూనే ఉంటాయి. కొంత మంది డైరెక్ట్‌గా మాట్లాడితే.. మరుకొందరూ ఇండైరెక్ట్‌గా చురకలు అంటిస్తారు. ఈ క్రమంలోనే కేజీఎఫ్ సినిమా, హీరోపై ఇండైరెక్ట్ కామెంట్ చేసి ప్రస్తుతం విమర్శల పాలవుతున్నాడు ఓ డైరెక్టర్. అతడు మరెవరో కాదు ‘కేరాఫ్ కంచరపాలెం’ సినిమాతో దర్శకుడిగా గుర్తింపు తెచ్చుకున్న డైరెక్టర్ మహా వెంకటేష్. తాజాగా ఓ ఇంటర్వ్యూలో పాల్గొన్న వెంకటేష్ కేజీఎఫ్ సినిమాపై సంచలన వ్యాఖ్యలు చేశాడు.
అతడు మాట్లాడుతూ.. ‘‘ఆ సినిమా పేరు పైకి చెప్పను కానీ.. ఓ తల్లి తన కొడుకుని గొప్పవాడు అవ్వమని.. బాగా సంపాదించి నలుగురికి ఉపయోగపడమని చెప్తుంది. కానీ.. నాకు అర్ధం కానిది ఏంటంటే..? తల్లి ఒక వస్తువు అడుగుతుంది. ఆ వస్తువుని తవ్వి తీసే వాళ్ళు ఉంటారు. వీడు వెళ్లి వాళ్ళని ఉద్ధరిస్తాడు. తరువాత ఒక పాట వస్తుంది. నేను స్టోరీ మొత్తం చెప్పేస్తున్నా.. ఆ మహా తల్లిని నాకు కలవాలని ఉంది. వాడొక నీచ్ కమీన్ కుత్తే.. వాడి చుట్టూ కొన్ని వేల మంది ఉంటారు.. వాళ్ళందరిని వదిలేసి ఆ బంగారాన్ని ఒక చోట పారేస్తాడు. అలాంటి కుత్తేలా అవ్వమని తల్లి అడగడం.. అలాంటి మూవీలను మనం చూడటం’’ అంటూ.. ఆ యువ డైరెక్టర్ మహా వెంకటేష్ కేజీఎఫ్‌పై సంచలన వ్యాఖ్యాలు చేశాడు. అయితే అతడిని ఇంటర్వ్యూ చేసిన వ్యక్తులు ఆ సినిమా పేరు మాకు అర్థం అయిందిలే అంటూ నవ్వుతారు. కాగా.. ప్రస్తుతం ఈ వ్యాఖ్యలు సోషల్ మీడియాలో దుమారం రేపుతున్నాయి.
