Chiranjeevi సినిమా ట్రైలర్ విడుదల.. నవ్వి నవ్వి చావాల్సిందే! (వీడియో)

దిశ, వెబ్‌డెస్క్: మెగాస్టార్ చిరంజీవి సినిమాల్లో శంకర్ దాదా MBBS కు సపరేట్ ఫ్యాన్ బేస్ ఉంటుంది. చిరంజీవిలోని కామెడీ యాంగిల్‌ను పూర్తిగా వాడి డైరెక్టర్ జయంత్ సీ పరాన్జీ సక్సెస్ అయ్యారు. అప్పట్లో ఈ చిత్రం ఎంతటి సంచలనాన్ని సృష్టించిందో ప్రత్యేకంగా చెప్పాల్సిన అవసరం లేదు. చిరుతో పాటు మరో హీరో శ్రీకాంత్ కూడా ఈ చిత్రంతో బంపర్ హిట్ కొట్టారు. 2004లో విడుదలైన ఈ మూవీలో చిరు-శ్రీకాంత్‌లు పండించిన హాస్యానికి ప్రేక్షకులు పొట్టచెక్కలయ్యేలా నవ్వుకున్నారు. అయితే, ఇప్పటితరానికి ఆ హాస్యాన్ని మరోసారి చూపించేందుకు మేకర్స్ సిద్ధమయ్యారు. నవంబర్ 4న ఈ మూవీని థియేటర్లలో విడుదల చేయనున్నారు. ఈ క్రమంలో ఇవాళ సినిమా ట్రయిలర్‌ను రిలీజ్ చేశారు. చిరు హాస్య విశ్వరూపాన్ని మరోసారి పెద్దతెరపై చూసేందుకు ఉత్సుకతతో ఎదురు చూస్తున్నారు.